कोकण रेल्वे मार्गावर जादा रेल्वे
कणकवली, ता. ६ ः रक्षाबंधन आणि स्वातंत्र्य दिन दरम्यान अतिरिक्त गर्दी कमी करण्यासाठी विशेष गाड्या चालवण्याचा निर्णय घेण्यात आला आहे. गाडी क्रमांक ०११२५ लोकमान्य टिळक ते मडगाव जंक्शन विशेष ही गाडी १४ ऑगस्टला मध्यरात्री १२.१५ वाजता लोकमान्य टिळक येथून निघेल. ही गाडी दुसऱ्या दिवशी दुपारी १२.४५ वाजता मडगाव जंक्शन येथे पोहोचेल. परतीसाठी गाडी क्रमांक ०११२६ मडगाव जंक्शन येथून १५ ऑॅगस्टला दुपारी १.४० वाजता सुटून लोकमान्य टिळक येथे दुसऱ्या दिवशी पहाटे ४.५ वाजता पोहोचेल. ही गाडी ठाणे, पनवेल, पेण, रोहा, माणगाव, वीर, खेड, चिपळूण, संगमेश्वर रोड, रत्नागिरी, आडवली, विलवडे, राजापूर रोड, वैभववाडी रोड, नांदगाव रोड, कणकवली, सिंधुदुर्ग, कुडाळ, सावंतवाडी रोड, थिविम आणि करमाळी स्टेशनवर थांबेल.