rat६p२०.jpg-
२५N८२५४२
रत्नागिरी : मुंबई विद्यापीठातर्फे तिहेरी सन्मानप्राप्त गोगटे-जोगळेकर महाविद्यालयाचे प्राचार्य डॉ. मकरंद साखळकर, डॉ. आनंद आंबेकर, मनस्वी जाधव, प्रा. वेदांग सौंदलगेकर आणि हरेश केळकर.
-------
‘गोगटे’ महाविद्यालयाचा तिहेरी सन्मान
सकाळ वृत्तसेवा
रत्नागिरी, ता. ६ : ५७व्या आंतरमहाविद्यालय सांस्कृतिक स्पर्धेमध्ये मुंबई विद्यापिठामध्ये गोगटे-जोगळेकर महाविद्यालयाने (स्वायत्त) सहभाग घेतला. अनेक वर्ष यशस्वितेची परंपरा राखत महाविद्यालय, विद्यार्थी आणि शिक्षकांच्या कामासाठी मुंबई विद्यापीठातर्फे गौरवण्यात आले.
भारताचे प्रतिनिधित्व करणाऱ्या मुंबई विद्यापीठाच्या संघामध्ये लोककला सादरीकरणासाठी इटली येथे झालेल्या लोकमहोत्सवामध्ये गोगटे- जोगळेकर महाविद्यालयामधील बॅचलर ऑफ परफॉर्मिंग आर्ट्सची प्रथम वर्षाची विद्यार्थिनी मनस्वी जाधव हिला इटली येथे जाण्याची संधी प्राप्त झाली. उत्तम सादरीकरणासाठी तिला सुवर्णपदक देऊन गौरवण्यात आले. मुंबई विद्यापीठाच्या व्यवस्थापन समितीत आणि जिल्हा समन्वयक म्हणून कार्यरत असणारे डॉ. आनंद आंबेकर यांच्या सक्रिय आणि उत्तम व्यवस्थापनाबद्दल सन्मानचिन्ह देऊन सन्मान करण्यात आला. गेली १८ वर्षे महाविद्यालयासाठी, रत्नागिरी जिल्हा आणि विद्यापीठ स्तरावर डॉ. आंबेकर कार्यरत आहेत.
५७व्या युवा महोत्सवामध्ये जिल्हास्तरीय १७ महाविद्यालयांमधील महोत्सवामध्ये सर्वाधिक गुण प्राप्त करून महाविद्यालयाने नाट्य, नृत्य, संगीत, वाङ्ममय, हस्तकला यामध्ये वर्चस्व मिळवून विजेतेपदाचा करंडक प्राप्त केला. यासाठी मुंबई विद्यापीठातर्फे सन्मानित करण्यात आले. या कार्यक्रमाला प्रा. वेदांग सौंदलगेकर उपस्थित होते. विद्यापीठातील तिहेरी सन्मानाबद्दल रत्नागिरी एज्युकेशन सोसायटीच्या कार्याध्यक्षा शिल्पा पटवर्धन, कार्यवाह सतीश शेवडे, सहकार्यवाह प्रा. श्रीकांत दुदगीकर, प्राचार्य डॉ. मकरंद साखळकर, प्रशासकीय उपप्राचार्य डॉ. सुरेंद्र ठाकूरदेसाई, उपप्राचार्या डॉ. कल्पना आठल्ये, डॉ. सीमा कदम आणि डॉ. अपर्णा कुलकर्णी यांनी अभिनंदन केले.