- rat५p१५.jpg-
P२५N८२२४५
राजापूर ः महसूल सप्ताहानिमित्ताने वृक्ष लागवड प्रसंगी तहसीलदार विकास गंबरे यांच्यासह कर्मचारी.

राजापुरात मंडळनिहाय वृक्षलागवड
महसूल सप्ताह; झाडांचे संगोपन ग्रामपंचायत करणार
सकाळ वृत्तसेवा
राजापूर, ता. ७ ः महसूल सप्ताहानिमित्त राजापूर तालुक्यामध्ये मंडळनिहाय वृक्ष लागवड करण्यात आली. रस्त्यालगत लागवड केलेल्या झाडांच्या संवर्धन आणि संगोपनाची जबाबदारी संबंधित ग्रामपंचायत आणि लगतच्या शेतकऱ्‍यांकडे देण्यात आली आहे.
तालुक्यात तहसीलदार विकास गंबरे यांच्या मार्गदर्शनाखाली महसूल सप्ताह साजरा केला जात आहे. त्या निमित्त गेल्या काही दिवसांपासून विविध कार्यक्रम केले जात असून, त्या माध्यमातून विविध उपक्रम राबवले जात आहेत. त्यात महसूल सप्ताहानिमित्त मंडळनिहाय वृक्षारोपण करण्यात आले. राजापूर, ओणी, हातिवले या मंडळामध्ये गंबरे यांच्या प्रमुख उपस्थितीत वृक्षारोपण झाले तर जैतापूर, कुंभवडे, कोंड्येतर्फे सौंदळ या मंडळातील कार्यक्रमाला निवासी नायब तहसीलदार विलास सरफरे उपस्थित होते. तरस, वाडापेठ, नाटे, भू या मंडळामध्ये महसूल नायब तहसीलदार सायली गुरव तर सौंदळ, तळवडे, पाचल या मंडळात निवडणूक नायब तहसीलदार मृणालिनी शेळके यांच्या उपस्थितीमध्ये वृक्षारोपण करण्यात आले. रस्त्याच्या कडेला लावण्यात आलेल्या झाडांची निगा आणि संगोपन करण्याची जबाबदारी स्थानिक ग्रामपंचायती आणि लगतचे शेतकरी यांच्याकडे देण्यात आली आहे.