83658

देवगडात युथ फोरम संस्थेतर्फे
हेल्पलाईन फलकाचे अनावरण

सकाळ वृत्तसेवा
देवगड, ता. १० ः येथील युथ फोरम या संस्थेच्यावतीने देवगड जामसंडे शहर कमिटी आणि महाविद्यालय समिती अंतर्गत विद्यार्थी हेल्पलाईन क्रमांक जाहीर करण्यात आला. नगरसेवक संतोष तारी यांच्या हस्ते विद्यार्थी हेल्पलाईन क्रमांकाच्या फलकाचे अनावरण करण्यात आले.
संस्थेच्या पाचव्या वर्धापन दिनावेळी महाविद्यालय समितीची स्थापना केली होती. त्यावेळी युथ फोरमचे अध्यक्ष अ‍ॅड. सिद्धेश माणगावकर यांनी विद्यार्थी हेल्पलाईन क्रमांक सुरू करणार असल्याचे सांगितले होते. या फलकाचे अनावरण करण्यात आले. यावेळी अ‍ॅड. माणगावकर यांच्यासह खजिनदार सागर गावकर, शहर समिती अध्यक्ष ओंकार सारंग, उपाध्यक्ष जितेश मोहिते, सहसचिव दीप नलावडे, शुभम महाजन, कार्यकारिणी सदस्य राधा जगताप, श्रवण बांदेकर, रुद्रा शेट्टे, श्रेयस कडू, हर्षित कोयंडे, शहर समिती माजी अध्यक्ष सोहम पारकर, महाविद्यालय समिती अध्यक्ष दीपक जानकर, उपाध्यक्ष पूर्वा चौघुले, देवांत गावकर, सचिव सलोनी कदम, सहसचिव स्नेहा भस्मे, तनिष नाईक, वेदिका धुवाळी, पार्थ नाईकधुरे, आचल वर्मा, स्वराज आचरेकर, भूपेश हरम, महेश्वरी कोयंडे, वैभवी घरकर, पियूष केतकर, ओम गावकर आदी उपस्थित होते.