-rat१२p५.jpg -
२५N८३८५१
संगमेश्वरः कारभाटले घोरपडेवाडी येथे एसटी बस-मोटार समोरासमोर धडक
---
एसटी-मोटारीची धडक
घोरपडेवाडीतील घटना ; चालक जखमी
सकाळ वृत्तसेवा
संगमेश्वर,ता.१२ः तालुक्यातील कारभाटले घोरपडेवाडी येथे सोमवारी संध्याकाळी एसटी बस आणि मोटारीची समोरासमोर धडक झाली. या अपघातात गाडीचा चालक जखमी झाला असून, दोन्ही वाहनांचे मोठे नुकसान झाले आहे.
पोलिसांनी दिलेल्या माहितीनुसार, हा अपघात ११ ऑगस्ट रोजी संध्याकाळी ४.३५च्या सुमारास घडला. फिर्यादी अप्पासो कल्लाप्पा कोळी (वय ३५) हे क्रमांकाची एसटी बस घेऊन संगमेश्वरहून कातुर्डीच्या दिशेने जात होते. कारभाटले घोरपडेवाडी येथे रस्ता अरुंद असताना समोरून येणाऱ्या गाडीने एसटी बसला जोरदार धडक दिली. हा अपघात गाडीचालकाच्या निष्काळजीपणामुळे झाल्याचे फिर्यादीने म्हटले आहे. मोटार चालक यश सतीश विभूते (वय २५, रा. कळंबस्ते) याने अरुंद रस्त्याची परिस्थिती लक्षात न घेता गाडी भरधाव वेगाने चालवली, ज्यामुळे हा अपघात घडला. धडकेत यश विभूते किरकोळ जखमी झाला असून, दोन्ही वाहनांचे मोठे नुकसान झाले आहे. या प्रकरणी एसटी चालक अप्पासो कोळी यांच्या फिर्यादीनुसार, संगमेश्वर पोलिस ठाण्यात गुन्हा दाखल करण्यात आला आहे.