rat१४p३२.jpg-
२५N८४५४२
लांजा ः बंदरे विकासमंत्री नितेश राणे यांचा सत्कार करताना लांजावासिय.

विकास आराखडा मनासारखा होईल
नीतेश राणे ः लांजा-कुवे बचाव समितीबरोबर चर्चा
सकाळ वृत्तसेवा
लांजा, ता. १४ ः शहरविकास आराखड्याला जनतेमधून मोठ्याप्रमाणात विरोध होत असून, हा आराखडा जनतेच्या मनाविरुद्ध आहे. याबाबत पाठपुरावा सुरू आहे. आराखड्याबाबत सगळं तुमच्या मनासारखे होईल, असा विश्वास मंत्री नीतेश राणे यांनी लांजा-कुवे बचाव समितीसह नागरिकांना दिला.
राज्याचे मत्स्योद्योग व बंदरे विकासमंत्री नीतेश राणे यांनी गुरूवारी १४ ऑगस्ट रोजी रत्नागिरी जिल्हा दौऱ्यावर आले असता दुपारी त्यांनी लांजा येथे लांजा शहरविकास आराखड्याला विरोध करणाऱ्या लांजा-कुवे बचाव समितीसह नागरिकांची भेट घेतली. या वेळी ते बोलत होते. दरम्यान, लांजा-कुवे बचाव समितीने यापूर्वी मिरकरवाडा बंदर उद्‍घाटनावेळी मंत्री राणे यांना भेटून लांजा शहरविकास आराखडा स्थगित करण्याची मागणी करणारे निवेदन दिले होते. त्यानंतर आता पुन्हा एकदा झालेल्या या बैठकीत नागरिकांनी आपला विरोध ठामपणे नोंदवला.