-rat२३p१६.jpg-
P२५N८६५५७
रत्नागिरी ः गोठ्यातील पेंढ्यामधून रेस्क्यू करून अजगर आणताना वनविभागाचे कर्मचारी, सर्पमित्र आदी.
----
गवताच्या पेंढ्यातील अजगराची सुटका
रत्नागिरी, ता. २३ : पाचाड येथे गुरांच्या गोठ्यात माळ्यावर ठेवलेल्या पेंढ्यांमध्ये लपलेला भल्यामोठ्या अजगराची वनविभागाने सुटका करून त्याला नैसर्गिक अधिवासात सोडले. नुकतेच पाचाड येथे सहदेव चिले यांच्या गुरांच्या गोठ्यात अजगर असल्याचे आढळून आले. त्यांनी तत्काळ वनविभागाला याची माहिती दिली. चिपळूण परिक्षेत्र वनाधिकारी एस. एस. खनान, रामपूरचे वनरक्षक राहुल गुंढे, वाहनचालक नंदकुमार कदम, सर्पमित्र प्रथमेश पवार हे तत्काळ घटनास्थळी पोहचले. पेंढ्यात लपलेल्या अजगराला सुरक्षित रेस्क्यू करून पकडले. अजगराची लांबी अंदाजे ८ ते ९ फूट होती. सुस्थितीत असल्याची खात्री करून त्यास नैसर्गिक अधिवासात मुक्त केले.