-ratchl२३१.jpg ः
P२५N८६६१५
चिपळूण ः बैठकीत मार्गदर्शन करताना माजी आमदार रमेश कदम.
----
उमेदवार न मिळाल्यास रिंगणात
रमेश कदम : चिपळुणात राष्ट्रवादी कॉंग्रेसची बैठक
सकाळ वृत्तसेवा
चिपळूण, ता. २३ ः राष्ट्रवादी पक्षाच्या स्थापनेनंतर अवघ्या दोन-तीन महिन्यात आपण विधानसभा निवडणूक लढवली आणि १७०० मतांनी आपला पराभव झाला. त्यातूनही आपण पक्ष तळागाळापर्यंत वाढवला. अनेक कार्यकर्त्यांना उभे केले. यापुढेही आपण कार्यकर्त्यांना वाऱ्यावर सोडणार नाही. आपण आहे त्याच पक्षात आहोत. आता संघटना मजबूत करणार. प्रसंगी उमेदवार मिळाला नाही तर स्वतः लढण्याची तयारी आहे. त्यामुळे कार्यकर्त्यांनी कामाला लागावे, असा विश्वास राष्ट्रवादी काँग्रेस शरद पवार पक्षाचे नेते माजी आमदार रमेश कदम यांनी चिपळुणातील बैठकीत व्यक्त केला .
शहरातील माऊली सभागृहात शनिवारी राष्ट्रवादीच्या (शरद पवार गट) कार्यकर्त्यांची बैठक झाली. या वेळी रमेश कदम म्हणाले, सर्वसामान्य कार्यकर्ता आपल्याबरोबर आहे. शेवटी मदतीला रमेश कदमच येणार, हीच त्यांना खात्री आहे. त्यामुळे किती आले किती गेले, काही फरक पडत नाही किंवा आम्हाला त्याची पर्वा नाही. ज्यांना उमेदवारी दिली ते सोडून गेले. आपल्याला एकच वाईट वाटते की, ज्या वेळी पक्ष विभाजन झाले त्या वेळी ज्या लोकांना शरद पवार यांनी मोठे केले ते सर्व त्यांना सोडून गेले. विधानसभा निवडणुकीवेळी पवार यांनी आपल्याला लढ म्हणून सांगितले होते; मात्र आपण त्यांना नवीन कार्यकर्त्याला संधी द्यावी म्हणजे भविष्यात तो मजबुतीने पक्ष वाढवेल.
आगामी निवडणुकीत आघाडी झाली तर आघाडीबरोबर, नाही झाली तर स्वबळाची तयारी ठेवा; पण जागा मागताना आधी उमेदवार ठरवा, असा कार्यकर्त्यांना सल्ला दिला. या वेळी तालुकाध्यक्ष मुराद अडरेकर, प्रांतिक सेल उपाध्यक्ष एम. बंदूकवाले, डॉ. संतोष दाभोळकर, कार्याध्यक्ष शिरीष काटकर, महिला तालुकाध्यक्ष राधा शिंदे आदी उपस्थित होते.