92666

विद्यार्थ्यांची कल्पनाशक्ती कागदावर

सावंतवाडीत चित्रकला स्पर्धेला प्रतिसाद

सावंतवाडी, ता. १९ ः येथील स्नेह नागरी सहकारी पतसंस्थेच्या रौप्यमहोत्सवी वर्षानिमित्त प्राथमिक शालेय विद्यार्थ्यांसाठी चित्रकला स्पर्धेचे आयोजन करण्यात आले होते. याला विद्यार्थी आणि पालकांकडून चांगला प्रतिसाद मिळाला. तब्बल २१० विद्यार्थ्यांनी उत्साहाने सहभागी होऊन कल्पनाशक्तीला कागदावर उतरवले.
कळसुलकर हायस्कूलच्या सभागृहात ही स्पर्धा झाली. लहान वयातच मुलांच्या कलागुणांना वाव मिळावा या हेतूने आयोजित उपक्रमाचे पालकांनी कौतुक केले. रोटरी क्लब ऑफ सावंतवाडी यांचाही या उपक्रमात सक्रिय सहभाग होता. स्पर्धेच्या यशस्वीतेसाठी स्नेह संचालिका सौ. वैभवी शेवडे, रोटरी क्लब अध्यक्ष सिद्धार्थ भांबुरे, सीताराम तेली, आबा कशाळीकर, स्नेह पतसंस्थेच्या मुख्याधिकारी सौ. संगीता प्रभू, सौ. कोमल सावंत, रमेश निर्गुण, श्रीमती रईसा मुल्ला, मयुरी भगत, मानसी वेंगुर्लेकर, सौ. नेरुरकर यांचे सहकार्य लाभले. या स्पर्धेत विजयी ठरलेल्या विद्यार्थ्यांचा शनिवारी (ता.२७) सायंकाळी ५ वाजता करण्यात येणार आहे. भटवाडी येथील NAB नेत्र रुग्णालयाच्या पहिल्या मजल्यावरील सभागृहात होणाऱ्या स्नेह पतसंस्थेच्या रौप्यमहोत्सवी मुख्य कार्यक्रमात मान्यवरांच्या हस्ते बक्षिसे प्रदान केली जातील, अशी माहिती अध्यक्ष अनंत व्यंकटेश उचगावकर व सोमनाथ जिनी यांनी दिली.