96840

खारेपाटणमध्ये ‘शिवराज्याभिषेक’ लक्षवेधी
तळेरे, ता. ६ : झुंजार सार्वजनिक नवरात्रोत्सव मंडळाच्या वतीने खारेपाटण येथे शिवराज्याभिषेकाचा भव्य सोहळा साकारण्यात आला. खारेपाटण येथील प्रसिद्ध नाट्य कलाकार व नृत्य दिग्दर्शक सूरज गोडवे व सुमित रोडी यांच्या संकल्पनेतून साकारलेल्या या सोहळ्यामध्ये सुमारे १०० कलाकारांनी सहभाग घेतला. या कार्यक्रमात ८० महिलांचा सहभाग असलेले ‘टाळनृत्य’ खास आकर्षण ठरले. टाळ-नृत्याचा गजर व शिवगर्जनांमुळे संपूर्ण आसमंत शिवमय झाला होता. स्वराज्य स्थापनेचे शिल्पकार छत्रपती शिवाजी महाराज यांच्या जीवन चरित्रावर आकाश टाकणारा शिवजन्मोत्सव, स्वराज्य शपथ सोहळा व शिवराज्याभिषेक अशा स्वरुपाच्या भव्य कार्यक्रमाचे आयोजन करण्यात आले होते. शिवराज्याभिषेक सोहळ्यामध्ये महिला कलाकारांनी उत्स्फूर्त सहभाग दर्शविला. शिवजन्मोत्सव तसेच शिवराज्याभिषेकानंतरचे महिलांचे टाळ नृत्य आकर्षण ठरले. शालेय विद्यार्थिनींपासून ७५ वर्षे वयाच्या महिलांनी यात सहभाग घेतला. सूरज गोडवे यांनी आभार मानले.