96887
सावंतवाडी न्यायालयात ‘लेक्स डिस्कशन’
वकील, विद्यार्थ्यांसाठी व्याख्यानमालेचे आयोजन
सकाळ वृत्तसेवा
सावंतवाडी, ता. ६ ः येथील तालुका वकील संघटनेचे नूतन अध्यक्ष ॲड. बाळाजी रणशूर यांच्या कल्पनेतून सावंतवाडी वकील संघटनेतर्फे सुरू केलेल्या ‘लेक्स डिस्कशन’ या व्याख्यानमालेचे उद्घाटन सिंधुदुर्ग जिल्ह्याचे प्रमुख जिल्हा न्यायाधीश डॉ. सुधीर देशपांडे यांच्या हस्ते झाले.
सावंतवाडी तालुका वकील संघटनेचे नव्याने निवड झालेले अध्यक्ष व त्यांच्या कमिटीने तालुक्यातील तसेच जिल्ह्यातील वकील वर्ग व कायद्याच्या विद्यार्थ्यांसाठी ‘लेक्स डिस्कशन’ ही व्याख्यानमाला येथील न्यायालयात सुरू करण्याचे ठरविले. त्यामध्ये सर्व वकिलांना आवश्यक असणाऱ्या व त्यांना उपयुक्त विविध विषयासंदर्भात सिंधुदुर्ग जिल्हा तसेच जिल्ह्याबाहेरील तज्ञ्जांची व्याख्याने होणार आहेत. याचे उद्घाटन न्यायाधीश डॉ. देशपांडे यांच्या हस्ते करण्यात आले. या व्याख्यानमालेतील पाहिले व्याख्यान डॉ. देशपांडे यांचे होते. यावेळी सावंतवाडी न्यायाधीश सौ. मिस्त्री, सहदिवाणी न्यायाधीश सौ. कुंभार, सावंतवाडी वकील संघटनेचे अध्यक्ष ॲड. बाळाजी रणशूर, सिंधुदुर्ग जिल्हा वकील संघटनेचे माजी अध्यक्ष ॲड. दिलीप नार्वेकर, माजी तालुकाध्यक्ष ॲड. सुभाष पणदूरकर, महिला उपाध्यक्षा ॲड. सिद्धी परब, सचिव ॲड. संकेत नेवगी, खजिनदार ॲड. सुमित सुकी आदी उपस्थित होते. व्याख्यानमालेचा वकील व विद्यार्थ्यांनी लाभ घ्यावा, असे आवाहन केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.