कोंडुरा येथे शनिवारी
‘विधानसभा चषक’
आरोंदा, ता. ८ ः शिवशंभो कला, क्रीडा मंडळ कोंडुरा आयोजित हौशी कबड्डी संघटनेच्या मान्यतेने भव्य प्रकाशझोतातील ‘विधानसभा चषक २०२५’ कबड्डी स्पर्धा शनिवारी (ता. ११) कोंडुरा तिठा येथे आयोजित केली आहे. या स्पर्धेसाठी प्रथम १५,५५५ व चषक, द्वितीय ८८८८ व चषक तसेच तृतीय व चतुर्थ क्रमांकासाठी पारितोषिक व चषक देण्यात येणार आहे. उत्कृष्ट पकड, उत्कृष्ट चढाई, अष्टपैलू खेळाडू यांसाठी चषक देण्यात येतील. ही स्पर्धा सावंतवाडी, वेंगुर्ले व दोडामार्ग तालुका मर्यादित असून, या तीन तालुक्यांमधून एक ‘आदर्श खेळाडू’ आणि एक ‘सिंधुदुर्ग आदर्श खेळाडू’ म्हणून गौरविण्यात येणार आहे. ही स्पर्धा लिंक पद्धतीने खेळवण्यात येणार असून स्पर्धेत आठ संघांचा सहभाग आहे. स्पर्धेसाठी खेळाडूंची निवड लिलाव पद्धतीने केली जाणार आहे. स्पर्धा सायंकाळी ६ वाजता सुरू होईल. या स्पर्धेसाठी क्रीडा व कबड्डी रसिकांनी उपस्थित राहावे, असे आवाहन शिवशंभो कला, क्रीडा मंडळ कोंडुरे यांनी केले आहे. अधिक माहितीसाठी राज पुनाळेकर यांच्याशी संपर्क साधावा.