मनाचे श्लोक चित्रपटाचे नाव बदला
चिपळुणात निवेदन ; हिंदुत्ववादी संघटना
सकाळ वृत्तसेवा
चिपळूण, ता. १० : मनाचे श्लोक या चित्रपटाचे नाव बदलावे, या मागणीसाठी हिंदुत्ववादी संघटनांकडून प्रांताधिकारी आणि उपविभागीय पोलिस अधिकारी यांना निवेदन देण्यात आले.
मनाचे श्लोक या पवित्र ग्रंथाच्या नावाचा मराठी चित्रपटासाठी वापर करण्यास हिंदुत्ववादी संघटना व समर्थ भक्तांचा ठाम विरोध आहे. शुक्रवारी (ता. १०) प्रदर्शित होणाऱ्या या चित्रपटाच्या शीर्षकाचे मनाचे श्लोक हे नाव तत्काळ बदलावे. जर या चित्रपटाचे शीर्षक बदलले नाही तर संतपरंपरेच्या सन्मानाच्या रक्षणार्थ लोकशाही मार्गाने आंदोलन करावे लागेल, असे या निवेदनात म्हटले आहे. या वेळी निहार कोवळे, अनुराग उतेकर, अमित जोशी, विक्रम जोशी, प्रशांत उतेकर, पराग ओक, उमेश गुरव, राजेश ओतारी, केतन ढवळीकर, हेमंत चाळके, केशव अष्टेकर, कविता अष्टेकर, महेश कात्रे, प्रल्हाद बांदेकर आदी उपस्थित होते.