kan211.jpg
99914
कणकवलीः राज्यस्तरीय तायक्वांदो स्पर्धेतील सुवर्ण पदक स्विकारताना प्रज्योती जाधव.
-------------------
तायक्वांदोच्या राष्ट्रीय स्पर्धेसाठी
कनेडीच्या प्रज्योती जाधवची निवड
कनेडी, ता. २१ः माध्यमिक विद्या मंदिर कनेडी तथा कनिष्ठ महाविद्यालायाच्या विद्यार्थीनीने यावर्षी राज्यस्तरीय वैयक्तिक क्रीडा प्रकारात राज्यात आपला दबदबा कायम ठेवत नावलौकिक मिळवला आहे. प्रशालेतील १२ वी विज्ञान शाखेतील प्रज्योती जाधव हिने छत्रपती संभाजीनगर येथे झालेल्या शालेय राज्यस्तरीय तायक्वांदो स्पर्धेत सुवर्णपदक पटकावले असून तिची जम्मू काश्मीर येथे होणाऱ्या राष्ट्रीय स्पर्धेसाठी निवड झाली आहे.
क्रीडा व युवक सेवा संचालनालय, महाराष्ट्र राज्य, पुणे अंतर्गत जिल्हा क्रीडा अधिकारी कार्यालय आणि जिल्हा क्रीडा परिषद, छत्रपती संभाजीनगर तर्फे झालेल्या राज्यस्तरीय शालेय तायक्वांदो क्रीडा स्पर्धा झाली. यास्पर्धेत ज्युनियर कॉलेज कनेडी प्रशालेने यावर्षी राज्यस्तरीय वैयक्तिक क्रीडा प्रकारात राज्यात आपला दबदबा कायम ठेवत नावलौकिक मिळवला आहे. प्रज्योती जाधव हीने राज्यस्तरीय तायक्वांदो स्पर्धेत सुवर्ण पदक पटकावेल. जम्मू काश्मीर येथे होणाऱ्या राष्ट्रीय स्पर्धेसाठी तिची निवड झाली आहे. याबद्दल कनेडी गट शिक्षण प्रसारक मंडळाचे अध्यक्ष सतीश सावंत, संस्था पदाधिकारी, शालेय समिती चेअरमन आर. एच. सावंत, शालेय समिती पदाधिकारी तसेच मुख्याध्यापक तथा प्राचार्य सुमंत दळवी, मार्गदर्शक शिक्षक बयाजी बुराण यांनी तिचे अभिनंदन केले.