swt2115.jpg
99978
फणसगाव ः ज्येष्ठ नागरिक संवाद व दिवाळी भेट कार्यक्रमात उपस्थित एस. ए. कातीवले, एस. एस. बंगडे, डी. आर. चव्हाण आदी.

फणसगावात पोलिसांचा
ज्येष्ठ नागरिकांशी संवाद
सकाळ वृत्तसेवा
तळेरे, ता. २१ : पोलिस अधीक्षक कार्यालय सिंधुदुर्ग यांच्या वतीने विजयदुर्ग पोलिस ठाणे हद्दीतील ज्येष्ठ नागरिकांशी संवाद व दिवाळी निमित्ताने विशेष भेट कार्यक्रम कला व वाणिज्य महाविद्यालय, फणसगाव येथे पार पडला. यावेळी उपस्थित ज्येष्ठ नागरिकांच्या समस्या जाणून घेऊन कायदेविषयक मार्गदर्शन करण्यात आले. यावेळी विजयदुर्ग पोलिस ठाण्याचे प्रभारी एस. ए. कातीवले, एस. एस. बंगडे, पोलिस उपनिरीक्षक डी. आर. चव्हाण, फणसगाव ग्रामपंचायत सदस्य कृष्णकांत उर्फ बाबू आडिवरेकर, माजी अध्यक्ष अशोक नारकर, पोंभुर्ले पोलिसपाटील राखी मोंडे, वेळगिवे पोलिसपाटील महेश लाड, विठ्ठलादेवी पोलिसपाटील स्वप्नील नारकर, गोवळ पोलिसपाटील शेळके, फणसगाव पोलिसपाटील अविनाश पाटील, चंद्रकांत पेंडूरकर आदी ग्रामस्थ उपस्थित होते. उपनिरीक्षक चव्हाण यांनी उपस्थित ज्येष्ठ नागरिकांना मोलाचे मार्गदर्शन केले. ज्येष्ठ नागरिक हेल्पलाईन नंबरची माहिती देऊन समस्या जाणून घेतल्या. ऑनलाइन फसवणूक व सतर्कता याबाबत मार्गदर्शन केले. यावेळी पाटगाव दूरक्षेत्र हद्दीतील ज्येष्ठ नागरिक उपस्थित होते.