नवनिर्माण शिक्षण संस्थेत
जोशी यांची जयंती साजरी
रत्नागिरी, ता. १६ ः संयुक्त महाराष्ट्र समितीचे सरचिटणीस म्हणून संयुक्त महाराष्ट्र लढ्याचे यशस्वी नेतृत्व करणारे एस. एम. जोशी यांची १२१ वी जयंती एस. एम. जोशी शैक्षणिक संकुलामध्ये साजरी करण्यात आली. नवनिर्माण शिक्षण संस्थेच्या संचालिका सिमा हेगशेट्ये यांनी एस. एम. जोशी यांच्या पुतळ्याला पुष्पहार अर्पण केला आणि सर्व उपस्थितांनी अभिवादन केले.
या वेळी हेगशेट्ये महाविद्यालयाचे प्राचार्य डॉ. संजय गवाळे, नवनिर्माण कनिष्ठ महाविद्यालयाचे प्राचार्य सुकुमार शिंदे, प्राचार्य उल्हास सप्रे, प्रा. सुशील साळवी, प्रा. संतोष खरे, इतर प्राध्यापक व शिक्षकेतर कर्मचारी आणि विद्यार्थी उपस्थित होते. यावेळी फिजिओ थेरपी महाविद्यालयाचे विद्यार्थी उपस्थित होते.