‘राष्ट्रीय सेवा योजना’कडून
एड्स जनजागृती उपक्रम
सकाळ वृत्तसेवा
रत्नागिरी, ता. १७ : गोगटे- जोगळेकर महाविद्यालयाच्या राष्ट्रीय सेवा योजना विभागातर्फे स्वयंसेवकांनी जिल्हा शासकीय रुग्णालयातील एचआयव्ही माहिती व तपासणी केंद्राला भेट देऊन एड्स व गुप्तरोग जनजागृती उपक्रमात सहभाग घेतला. या द्वारे जागरूक समाज-निरोगी समाज हा संदेश देण्यात आला.
या भेटीदरम्यान स्वयंसेवकांनी एचआयव्ही-एड्सविषयक जनजागृती केली, घोषवाक्ये दिली आणि रुग्णालयातील अधिकाऱ्यांशी तसेच वैद्यकीय कर्मचाऱ्यांशी आरोग्यविषयक चर्चा केली. यामधून स्वयंसेवकांना एचआयव्ही-एड्स प्रतिबंध, निदान व उपचाराबाबत सखोल माहिती मिळाली. कार्यक्रमाचे आयोजन रत्नागिरी जिल्हा रुग्णालय, आयसीटीसी विभाग, रेडरिबन क्लब राष्ट्रीय सेवा योजना विभाग गोगटे-जोगळेकर महाविद्यालयाच्या मार्गदर्शनाखाली करण्यात आले. एनएसएस स्वयंसेवकांनी एचआयव्ही-एड्समुक्त समाजासाठी जनजागृती हेच शस्त्र या घोषणांनी परिसर दुमदुमला. स्वयंसेवकांना जनजागृती पत्रकांचे वितरण करण्यात आले. या वेळी आयसीटीसी विभाग जिल्हा कार्यक्रम अधिकारी सचिन पाटील, समुपदेशक सतीश कांबळे, राहुल खरात, एनएसएस विभागाचे कार्यक्रमाधिकारी प्रा. सचिन सनगरे आणि स्वयंसेवक उपस्थित होते.
---