05199

युवा कॅरमपटूंना लवकरच
सावंतवाडी येथे प्रशिक्षण

सकाळ वृत्तसेवा
सावंतवाडी, ता. १८ ः सिंधुदुर्ग कॅरम असोसिएशनतर्फे येथील भरत कॅरम अॅकॅडमी येथे ज्युनिअर (युवा) खेळाडूंसाठी कॅरम प्रशिक्षणाचे आयोजन करण्यात आले आहे. युवा खेळाडूंना प्रोत्साहन देण्यासाठी व त्यांचे कौशल्य वाढवण्यासाठी हे विशेष प्रशिक्षण शिबिर आयोजित करण्यात आले आहे.
प्रशिक्षक योगेश फणसळकर हे या शिबिरात खेळाडूंना मार्गदर्शन करतील. प्रशिक्षण वर्ग दर शनिवारी आणि रविवारी सायंकाळी ५ ते ७ या वेळेत होणार आहेत.जर इच्छुक खेळाडूंची संख्या वाढली तर रविवारी प्रशिक्षणासाठी जादा वेळ दिला जाईल. त्यामुळे अधिकाधिक ज्युनिअर खेळाडूंनी या संधीचा लाभ घ्यावा, असे आवाहन त्यांनी केले आहे. ​इच्छुक कॅरम खेळाडूंनी अधिक माहितीसाठी आणि नावनोंदणीसाठी ​भरत कॅरम अॅकडमीशी संपर्क साधावा, असे आवाहन श्री. फणसळकर यांनी केले आहे. या उपक्रमामुळे सावंतवाडीतील कॅरम खेळाडूंना त्यांच्या क्रीडा प्रवासात नक्कीच मोठा फायदा होईल, असे भरत सावंत यांनी म्हटले आहे.