07359

‘जागृती’ मंडळाचे कार्य गौरवास्पद

सुरेश ठाकूर ः त्रिंबक जनता विद्यालयात दिनदर्शिका प्रकाशन

सकाळ वृत्तसेवा
आचरा, ता. ३० ः त्रिंबक गावच्या विकासासाठी जागृत उन्नती मंडळ या संस्थेने निधी उपलब्ध होण्याकरिता २०२६ ची दिनदर्शिका जनता विद्या मंदिर त्रिंबक येथील सभागृहात प्रकाशित केली. यातून मिळणारा निधी गाव विकासासाठी वापरला जाणार आहे. जागृत मंडळाची गाव विकासाची तळमळ कौतुकास्पद असल्याचे गौरवोद्गार साहित्यिक सुरेश ठाकूर यांनी त्रिंबक येथे काढले.
जागृत मंडळाने प्रसिद्ध केलेल्या दिनदर्शिकेचे प्रकाशन श्री. ठाकूर यांच्या हस्ते झाले. यावेळी ते बोलत होते. व्यासपीठावर मंडळाचे अध्यक्ष दत्ता पवार, चेतन साटम, अरविंद कदम, खजिनदार संतोष त्रिंबककर, अनिल कदम, तुषार चिंदरकर, मंगेश शेटे, दिगंबर साटम, सुनील जाधव, विश्वंभर राउत, ग्रामीण शाखेचे बाळा बागवे, उदय मेहेंदळे, किशोर त्रिंबककर, आशिश बागवे, सीताराम सकपाळ, श्रीकांत बागवे, संभाजी शेटगे, संतोषी सावंत, अजय पवार, सुचिता घाडीगावकर, नेहा वेंगुर्लेकर, माधुरी कामतेकर, ग्रीष्मा बागवे, अस्मिता वर्देकर, छाया साटम, अर्चना त्रिंबककर, अशोक बागवे, विशाल मेस्त्री उपस्थित होते.
सचिव अरविंद कदम यांनी प्रास्ताविक करताना दिनदर्शिकेसाठीच्या देणगीचा आढावा मांडला. खजिनदार त्रिंबककर यांनी प्राप्त देणगी आणि झालेला खर्च याबाबत सभागृहाला माहिती दिली. दिनदर्शिकेकरिता देणगी देणाऱ्या मान्यवरांचा सत्कार करण्यात आला. श्री. ठाकूर यांच्या ‘शब्दांच्या पलीकडे’ या पुस्तकाच्या ५० प्रती जागृत मंडळाकडून मुख्याध्यापक प्रवीण घाडीगावकर यांच्याकडे दिल्या. मंगेश शेटे यांनी सूत्रसंचालन केले. नवनीत घाडीगांवकर यांनी आभार मानले.