08819

संत रामपाल महाराजांना
‘किसान मसिहा सन्मान’

सकाळ वृत्तसेवा
कुडाळ, ता. ६ ः शेतकऱ्यांना अभूतपूर्व मदत केल्याबद्दल संत रामपाल महाराज यांना ‘किसान मसिहा सन्मान’ देण्यात येणार आहे.
हिसार ब्लॉक १ आणि ब्लॉक २ च्या सरपंच संघटना, १२ गावे आणि एकूण ८५ गावांच्या कालीरामण खाप पंचायतीच्या संयुक्त विद्यमाने उद्या (ता. ७) सकाळी दहाला हिसारमधील धीरणवास गावात हा सत्कार समारंभ होणार आहे, अशी माहिती साधक दिलीप माने यांनी दिली.
कठीण काळात संत रामपाल महाराजांनी शेतकऱ्यांना आर्थिक मदत केली. त्यांनी पंजाब, हरियाना, राजस्थान, दिल्ली आणि उत्तर प्रदेशातील पूरग्रस्त गावांमधील शेतातून पाणी काढण्यासाठी ४६७ हून अधिक मोफत मोटर्स, पाईप आदी आवश्यक उपकरणे, तसेच वीजपुरवठा खंडित झालेल्या गावांना जनरेटर प्रदान केले. या मदतीमुळे शेतातून पाणी काढून टाकणे शक्य झाले, ज्यामुळे शेतकऱ्यांना वेळेवर गहू आणि हरभरा पेरता आला. सर्व शेतकरी, कामगार आणि इतर ग्रामस्थांनी सत्कार समारंभात मोठ्या संख्येने उपस्थित राहावे, असे आवाहन गावातील सरपंच प्रतिनिधी आणि सरपंच संघटनेचे प्रमुख रामवीरसिंह फौजी यांनी केले आहे.