डॉ. प्रिया देशमुख यांचे
गावतळेत व्याख्यान
सकाळ वृत्तसेवा
गावतळे, ता. २ ः दापोली तालुक्यातील श्रीमान मथूरभाई बुटाला हायस्कूल व ज्युनिअर कॉलेज गावतळे येथे ताणतणावाचे व अभ्यास नियोजन या विषयावर डॉ. प्रिया देशमुख-इंदुलकर यांनी मार्गदर्शन केले.
बुटाला हायस्कूलमध्ये झालेल्या कार्यक्रमात डॉ. प्रिया यांनी ताणतणावाचे आरोग्यावर होणारे विपरीत परिणाम यावर विस्तृत माहिती दिली. विद्यार्थ्यांच्या आयुष्यात शाळेतील वर्षे ही कलाटणी देणारी असतात. त्यात नियोजनपूर्वक अभ्यास करावा लागतो. यावर त्यांनी विस्तृत माहिती दिली. ताणतणावमुक्त अभ्यास कसा करावा, याचे तंत्र त्यांनी विद्यार्थ्यांना पटवून दिले. त्यामुळे स्वाभाविकच अभ्यासाविषयी गोडी निर्माण होते. त्यांनी भविष्यातील करिअरच्या संधीही सांगितल्या तसेच प्राचार्य भक्ती सावंत यांनी विद्यार्थ्यांना नियोजनाचे महत्त्व सांगितले आणि सूक्ष्म नियोजन करण्याची सवय ही शालेय जीवनापासूनच लागली तर भविष्य उज्ज्वल होण्यास मदत होईल, अशी सूचना केली.