rat11p1.jpg-
16881
रत्नागिरी : कोस्टल ट्रेकचा अनुभव घेताना बाबुराव जोशी गुरुकुलमधील विद्यार्थी.
----------
गुरुकुलच्या विद्यार्थ्यांनी
अनुभवला कोस्टल ट्रेक
रत्नागिरी, ता. १२ : जी. जी. पी. एस. प्रशालेच्या (कै.) बाबुराव जोशी गुरुकुलमधील विद्यार्थ्यांनी कोस्टल ट्रेकचा अनुभव घेतला. या वेळी मुलांना खूप काही नवीन गोष्टी शिकायला मिळाल्या. समुद्रकिनाऱ्याची सफर, वाळूचे विविध प्रकार, स्थलांतरीत पक्षी, किनाऱ्यावरील किंवा पाण्यातील विविध वनस्पती, विविध प्रकारचे शंख, शिंपले तसेच समुद्राच्या लाटा आपटल्याने तयार झालेले दगडाचे विविध प्रकार, जेलीफिश या सर्वांची माहिती घेत घेत इयत्ता सहावी व सातवीच्या विद्यार्थ्यांनी सहा किमीचा हा टप्पा अतिशय नियोजनबद्ध पद्धतीने पार केला. गुरुकुलमधील सर्व शिक्षकांनी यासाठी त्यांना प्रोत्साहन दिले. या ट्रेकची ही अभिनव संकल्पना गुरुकुल विभाग प्रमुख वासुदेव परांजपे यांच्या मार्गदर्शनाखाली, जीजीपीएस प्रशालेच्या मुख्याध्यापिका सौ. सोनाली पाटणकर व र. ए. सोसायटीचे सर्व पदाधिकारी यांच्या सहकार्याने पार पडली.