-rat१७p११.jpg-
२६O१८४०३
सावर्डे : संजीव करपे यांना सह्याद्री पुरस्कार व तैलचित्र प्रदान करताना यजुर्वेंद्र महाजन, आमदार शेखर निकम. शेजारी अभिनेत्री गार्गी फुले-थत्ते, शांताराम खानविलकर, मारोतराव घाग, मानसिंग महाडिक, महेश महाडिक, प्रशांत निकम, प्रकाश राजेशिर्के आदी.
-----
‘निसर्गाची हानी टाळून टिकाऊ विकास साधा’
सावर्डे, ता. १७ : आत्मनिर्भर कोकणभूमीसाठी व्यवसायाभिमुख दृष्टिकोन आवश्यक असून, स्थानिक संसाधनांवर आधारित उद्योग उभारणी ही काळाची गरज आहे. कोकणातील युवकांमध्ये बुद्धिमत्ता असून, त्यास कौशल्याची जोड दिल्यास निसर्गाची हानी न करता टिकाऊ विकास साधता येतो, असा विश्वास संजीव करपे यांनी व्यक्त केला. ग्रामीण विकास, पर्यावरण संवर्धन आणि शाश्वत उपजीविकेच्या क्षेत्रात मोलाची कामगिरी बजावणारे संजीव करपे यांना सह्याद्री शिक्षणसंस्थेतर्फे स्व. शिक्षणमहर्षी गोविंदराव निकम यांच्या जयंतीनिमित्त शिक्षणमहर्षी गोविंदराव निकम सह्याद्री पुरस्कार प्रदान करून सन्मानित करण्यात आले. त्या प्रसंगी ते बोलत होते. कार्यक्रमात त्यांच्या कार्याची माहिती चित्रफितीद्वारे दाखवण्यात आली. या वेळी यजुर्वेंद्र महाजन, अभिनेत्री गार्गी फुले-थत्ते, आमदार शेखर निकम, विश्वस्त शांताराम खानविलकर, मानसिंग महाडिक, ज्येष्ठ चित्रकार प्रकाश राजेशिर्के आदी उपस्थित होते.