- rat२p१०.jpg-
P२६O२१५०४
राजापूर : पांचाळ-सुतार समाजबांधवांच्या मेळाव्यात बोलताना आमदार किरण सामंत.
----
पांचाळ-सुतार समाजाच्या पाठीशी राहू
किरण सामंत ः विश्वकर्मा जयंतीनिमित्त कार्यक्रम
सकाळ वृत्तसेवा
राजापूर, ता. २ ः पांचाळ-सुतार समाजाच्या पाठीशी मी कायम खंबीरपणे उभा आहे, असा विश्वास आमदार किरण सामंत यांनी पांचाळ-सुतार समाजाच्या मेळाव्यात राजापूर येथे दिले.
राजापूर शहरातील विश्वकर्मा मंदिरामध्ये पांचाळ सुतार समाजबांधवांच्यावतीने आयोजित विश्वकर्मा जयंती कार्यक्रमावेळी ते बोलत होते. या वेळी पांचाळ-सुतार समाजाचा मेळावा आयोजित केला होता. या प्रसंगी ते म्हणाले, पांचाळ-सुतार समाजाने परंपरेने कष्ट, कौशल्य आणि प्रामाणिकपणाची मूल्ये जपली आहेत. समाजाच्या शैक्षणिक, सामाजिक व आर्थिक उन्नतीसाठी शासनाच्या विविध योजनांचा लाभ मिळवून देण्यासाठी आपण सातत्याने प्रयत्न करू, असे त्यांनी सांगितले. समाजाच्या युवकांनी शिक्षण, उद्योग आणि आधुनिक तंत्रज्ञानाकडे वळावे, असे आवाहन करत आमदार सामंत यांनी समाजविकासासाठी आवश्यक असलेल्या मागण्यांबाबत सकारात्मक पाठपुरावा करण्याचे आश्वासन दिले. स्नेहल सुतार यांनी मार्गदर्शन करताना महिलांनी एकजूट होण्याचे आवाहन केले.
या मेळाव्याला अविनाश लाड, अर्बन बँक अध्यक्ष अॅड. शशिकांत सुतार, अॅड. यशवंत कावतकर, भाजपाचे रवींद्र नागरेकर, अध्यक्ष संजय मेस्त्री, कार्याध्यक्ष बळवंत सुतार, सचिव सुनील मेस्त्री तसेच समाजाचे सर्व पदाधिकारी, मान्यवर उपस्थित होते.