रत्नागिरीत शनिवारी ‘गुरूऋण’ कार्यक्रम
रत्नागिरी : पंडित विकास कशाळकर यांच्या अमृतमहोत्सवानिमित्त त्यांनी रचलेल्या बंदिशींचा शास्त्रीय संगीताचा कार्यक्रम गुरुऋण येत्या शनिवारी आयोजित करण्यात आला आहे. संध्याकाळी ६ वाजता गोदुताई जांभेकर विद्यालयात हा कार्यक्रम होणार आहे. ओंकार आदिनाद फाउंडेशन प्रस्तुत मुग्धनाद, रत्नागिरी आणि रघुकुल स्वरविहार सावंतवाडी यांच्यातर्फे गुरूऋण कार्यक्रम आयोजित केला आहे. यामध्ये गायिका मुग्धा भट सामंत, प्रसाद भाटवडेकर, नूतन परब तेजम, मनाली दाणी- बर्वे, गायन करतील. तसेच निवेदन डॉ. अंजली दाणी, तबला साथ हेरंब जोगळेकर, हार्मोनियमसाथ श्रीरंग जोगळेकर करणार आहेत.