27535

क. म. शि. प्र. इंग्रजी शाळेत
विविध वेशभूषा लक्षवेधी
कुडाळ, ता. २८ ः येथील क. म. शि. प्र. मंडळाच्या इंग्रजी माध्यम प्राथमिक शाळेत मराठी भाषा गौरव दिन साजरा करण्यात आला. मुख्याध्यापिका मुमताज शेख यांच्या हस्ते कवी कुसुमाग्रज यांच्या प्रतिमेस पुष्पहार अर्पण केला. त्यानंतर मराठी भाषा गौरव दिनाच्या कार्यक्रमाला सुरुवात झाली.
कार्यक्रमात विद्यार्थ्यांनी विविध मराठी गाणी सादर केली. साहित्य प्रकारांची ओळख करून देण्यात आली. मराठी भाषेचे महत्त्व सांगणारी भाषणे, लघुनाटिका सादर केली. मराठीतील कविता, ओव्या, अभंग सादर केले. मराठी साहित्यिकांचे दर्शन या कार्यक्रमातून मराठी लेखक, कवींची वेशभूषा करण्यात आली. मराठीचा गौरव करणारे नृत्य सादर केले गेले. कठपुतली खेळाद्वारे मराठी भाषेचे महत्त्व, मराठी गाणी व मालवणी कविता सादर केली. सहाय्यक शिक्षिका दिव्या खानोलकर यांनी सूत्रसंचालन केले. रियाज शेख, नेहा कुडाळकर, पूर्वा राऊळ, सूरज गोसावी, प्राजक्त चव्हाण, मोहिनी चव्हाण, पूजा कारेकर आदी शिक्षक उपस्थित होते.