27807

शैक्षणिक कार्य सुरूच
ठेवणार ः शिरीष नाईक

आरोसमध्ये निवृत्तनिमित्त सत्कार

आरोंदा, ता. २८ ः आतापर्यंतच्या शिक्षकी पेशात खूप समाधान मिळाले. या क्षेत्रासाठी काहीतरी करता आले. यापुढेही निवृत्त झालो असलो तरी शैक्षणिक क्षेत्रातील कार्य सुरूच ठेवणार, अशी ग्वाही आरोस विद्या विकास हायस्कूलचे मुख्याध्यापक शिरीष नाईक यांनी निवृत्तीनिमित्त आयोजित सत्कार सोहळ्यात दिली.
आरोस पंचक्रोशी विद्या विकास हायस्कूलचे मुख्याध्यापक नाईक हे आज निवृत्त झाले. या निमित्त प्रशालेतर्फे निरोप समारंभ आयोजित केला होता. यावेळी मान्यवरांच्या हस्ते श्री शारदादेवी प्रतिमेस पुष्पहार अर्पण केला. व्यासपीठावर संस्था उपाध्यक्ष नीलेश परब, सचिव राजन नाईक, आजगाव प्रशालेचे मुख्याध्यापक उत्तम भागीत, आरोस विद्या विहारचे सदाशिव धुपकर, सातार्डा हायस्कूलचे मुख्याध्यापक प्रशांत सावंत, आरोंदा हायस्कूलचे मुख्याध्यापक सिद्धार्थ तांबे, गोविंद मौर्ये, एल.के सावंत, साटेली उपसरपंच बाबा कोरगावकर, साक्षी नाईक, अर्जुन मुळीक, सुरेश गावडे ,माजी मुख्याध्यापक शांताराम आसोलकर, सरोज नाईक, संचालक मिलिंद जोग, बाळा नाबर, विलास साटेलकर ,सुनील नाईक, शैलेश नाईक, दशावतार कलाकार संतोष रेडकर, संदीप नेमळेकर आदी होते. उपस्थितांनी श्री .नाईक यांच्या ३३ वर्षांच्या सेवाकाळातील आठवणींना उजाळा दिला. श्री.नाईक यांनी आपल्या कारकीर्दीतील आठवणी सांगितल्या. तानाजी वरक यांनी सूत्रसंचालन केले. अनिल नाईक यांनी प्रास्ताविक केले. अर्जुन मुळीक यांनी आभार मानले. देवयानी चव्हाण, श्रद्धा मुळीक, मिताली नाईक, कृपा नेमळेकर, तानाजी खोत आदी उपस्थित होते.