डोंगरपाल येथे मेमध्ये
पुनःप्रतिष्ठापना सोहळा

सकाळ वृत्तसेवा
बांदा, ता. ११ ः डोंगरपाल येथे श्री देवी माऊली परिवार पंचायतन देवतांचा पुनःप्रतिष्ठापना सोहळा ९ ते १३ मे या कालावधीत विविध धार्मिक, सांस्कृतिक कार्यक्रमांनी साजरा होणार आहे. यात ९ मे रोजी सकाळी ७ वाजता पंचगव्य होम, विष्णू पूजन, गणपती पूजन, देवता प्रार्थना, मातृका पूजन, नांदी श्राद्ध, ब्राम्हण पूजन होईल.
१० ला सकाळी ७ वाजता गणपती पूजन, पुण्याहवाचन, मातृका पूजन, देवनांदी श्राद्ध, आचार्यदीवरण, मंडप प्रवेश, कौतुकबंधन, मंडप प्रतिष्ठा, देवता जलाधिवास, ११ ला सकाळी ७ वाजता प्राकार शुद्धी, शांतिपाठ, देवता स्नानविधी, देवता शय्याधिवास, देवता स्थापना, अग्नी स्थापना, ग्रहमंडल स्थापना, वास्तुपूजन, ग्रहयज्ञ विधी, १२ ला सकाळी ७ वाजता प्राकार शुद्धी, शांतिपाठ, आवाहित देवता पूजन, पर्याय होम व तत्त्वहोम, १३ ला सकाळी ६ वाजल्यापासून प्राकारशुद्धी, शांतिपाठ, आवाहित देवतापूजन, शिमधाडे डिंगणे, मोरगाव, आडाळी, फोंडये, नेतर्डे, कडशी-मोपा, तोरसे व डोंगरपाल गावचे मानकर, देवस्थान मार्गदर्शक यांच्या उपस्थितीत धार्मिक विधी, १०.१९ वाजता देवतांची पुनःप्रतिष्ठापना, प्रतिष्ठा मंगलाष्टके, शांतिपाठ, प्राणप्रतिष्ठा, महापूजन, यज्ञाहुती, उत्तरांगहोम, बलिदान, पूर्णाहुती, अभिषेक, अग्नी पूजन, सार्वजनिक गाऱ्हाणे, महानैवेद्य, महाआरती, तीर्थप्रसाद व महाप्रसाद, सायंकाळी ४ पासून देवीची ओटी भरणे, रात्री १० वाजता भजनाचा कार्यक्रम होणार आहे. या सोहळ्याचा लाभ घ्यावा, असे आवाहन श्री देवी माऊली पंचायतन देवस्थान समिती, सर्व मानकरी व ग्रामस्थांनी केले आहे.