चिपळुणातील १३० गावांत
गुरुवारी सरपंच आरक्षण सोडत
चिपळूण, ता. ११ ः तालुक्यातील १३० ग्रामपंचायतींच्या सरपंचपदाची आरक्षण सोडत गुरुवारी (ता. १४) तहसील कार्यालयात काढण्यात येणार आहे. २०२५ ते २०३० या पाच वर्षांच्या कालावधीसाठी ही आरक्षण सोडत काढण्यात येईल. गतवर्षी काढलेली सोडत रद्द झाली आहे. नव्याने होणाऱ्या आरक्षणात नामाप्र वर्गासाठी ३५ ऐवजी ३४, तर खुल्या प्रवर्गासाठी ८९ ऐवजी ९० जागा आरक्षित केल्या जाणार असल्याची माहिती तहसीलदार प्रवीण लोकरे यांनी दिली.
मुदत संपलेल्या ग्रामपंचायतीत निवडणुका न झाल्याने सरपंचांना प्रशासकीय कारभार पाहण्याच्या सूचना शासनाकडून देण्यात आल्या आहे. गतवर्षी सरपंचपदासाठी आरक्षण सोडत काढण्यात आली होती; मात्र ३० एप्रिलला शासनाने अधिसूचना काढून सरपंच आरक्षणात बदल केला आहे. नव्या बदलानुसार नामाप्र वर्गाची एक जागा कमी होणार असून, खुल्या गटातील एक जागा वाढणार आहे. तहसील कार्यालयात १४ ला सकाळी ११ वा. सरपंच आरक्षण सोडत काढण्यात येणार आहे.