swt52.jpg
55397
सावंतवाडी ः रेडकर कुटुंबियांतर्फे सामाजिक बांधिलकी प्रतिष्ठानला साहित्य भेट देण्यात आले.

‘सामाजिक बांधिलकी’ला
रुग्णोपयोगी साहित्य भेट
सकाळ वृत्तसेवा
सावंतवाडी, ता. ५ ः येथील सामाजिक बांधिलकी प्रतिष्ठानच्या रुग्णसेवा आणि सामाजिक कार्याची दखल घेत रेडकर कुटुंबीयांनी संस्थेला रुग्णोपयोगी साहित्य भेट दिले. ​शहरातील प्रतिष्ठित नागरिक चित्तरंजन नाईक-रेडकर आणि देवेंद्र नाईक-रेडकर यांनी आई (कै.) प्रतिभा प्रमोद नाईक-रेडकर यांच्या स्मरणार्थ हे साहित्य दान केले. यामध्ये प्रामुख्याने फाउलर बेड व त्यावर घालण्यासाठी गादी, व्हीलचेअर, कमोड चेअर आणि वॉकर अशा अत्यावश्यक वस्तूंचा समावेश आहे.
यापूर्वीही अनेक दानशूर व्यक्तींनी संस्थेला नवीन रुग्णवाहिका आणि इतर वैद्यकीय साहित्य दिले आहे. ​रेडकर कुटुंबीयांच्या या दातृत्वाबद्दल सामाजिक बांधिलकी प्रतिष्ठानचे अध्यक्ष प्रा. सतीश बागवे यांनी आभार मानले. ​याप्रसंगी प्रतिष्ठानचे सदस्य रुपा मुद्राळे, लक्ष्मण कदम आणि रवी जाधव उपस्थित होते. रेडकर कुटुंबीयांच्या या सामाजिक उपक्रमाचे शहरातून विशेष कौतुक होत आहे.