''टाकाऊतून टिकाऊ'' स्पर्धेचे आयोजन
सकाळ वृत्तसेवा
बांदा, ता. ६ ः प्लास्टिकमुक्त सिंधुदुर्ग घडविण्याच्या उद्देशाने मिशन आधार, सिंधुदुर्गच्या वतीने जिल्हास्तरीय ''टाकाऊतून टिकाऊ'' कापडी पिशवी स्पर्धेचे आयोजन करण्यात आले आहे. प्रथम क्रमांकासाठी ५,००१ रुपये व सन्मानचिन्ह, द्वितीय ३,००१ रुपये व सन्मानचिन्ह, तृतीय २,००१ रुपये व सन्मानचिन्ह तसेच पाच उत्तेजनार्थ पारितोषिके प्रत्येकी १,००१ रुपये अशी बक्षिसे ठेवण्यात आली आहेत. पिशवी पूर्णपणे टाकाऊ वस्तूंमधून तयार केलेली असावी. पिशवी मजबूत व वापरण्यायोग्य असणे आवश्यक असून, ती स्वतः तयार केल्याचा कटिंगपासून पूर्ण तयार होईपर्यंतचा लघू व्हिडिओ स्पर्धकांकडे असणे बंधनकारक आहे. स्पर्धेसाठी तयार केलेली पिशवी व स्पर्धकाची माहिती २५ ऑगस्टपर्यंत कुडाळ, मालवण किंवा सावंतवाडी येथील मिशन आधारच्या निर्धारित केंद्रांवर जमा करावी लागणार आहे. स्पर्धेसाठी जमा केलेल्या पिशव्या संस्थेकडे कायमस्वरुपी राहतील. बक्षीस वितरण लवकरच करण्यात येणार असून, त्याबाबतची माहिती स्पर्धकांना दूरध्वनीद्वारे दिली जाईल. अधिक माहितीसाठी संपर्क साधण्याचे आवाहन मिशन आधार, सिंधुदुर्गच्या वतीने करण्यात आले आहे.
..................