56038

शालेय वक्तृत्व स्पर्धेत
नीरजा चव्हाण प्रथम
मालवण, ता. ८ : लोकमान्य बाळ गंगाधर टिळक स्मृतिदिनाचे औचित्य साधून विद्यार्थ्यांमध्ये वक्तृत्वकला, आत्मविश्वास आणि विचार मांडण्याची क्षमता विकसित व्हावी, या उद्देशाने लायन्स क्लब मालवणतर्फे फाटक शाळा, रेवतळे येथे शालेय वक्तृत्व स्पर्धेचे उत्साहात आयोजन करण्यात आले. या स्पर्धेत विद्यार्थ्यांनी उत्स्फूर्त प्रतिसाद नोंदवला.
या स्पर्धेत नीरजा चव्हाण हिने प्रथम, भाविका सोनगत हिने द्वितीय, तर हार्दिक दाभोलकर याने तृतीय क्रमांक प्राप्त केला. समृद्धी माने व संचित मसुरकर यांना उत्तेजनार्थ बक्षिसाने गौरविण्यात आले. पारितोषिक वितरण लायन्स क्लबचे अध्यक्ष तथा नगरपरिषदेचे बांधकाम सभापती सहदेव बापर्डेकर, सचिव पूनम चव्हाण, खजिनदार राधिका मोंडकर, ज्येष्ठ सदस्या जयश्री हडकर, मुकेश बावकर, वैशाली शंकरदास, मनाली दळवी यांच्या उपस्थितीत झाले. शिक्षक देविदास प्रभुगावकर, महादेव घोडके आदी उपस्थित होते. स्पर्धेतील पारितोषिके ज्येष्ठ लायन्स सदस्या जयश्री हडकर यांनी पुरस्कृत केल्याबद्दल त्यांचे विशेष आभार मानले.