प्रभाकर भालके यांची शिक्षक
पुरस्कार मुलाखतीसाठी निवड
सकाळ वृत्तसेवा
मंडणगड, ता. २१ ः डॉ. बाबासाहेब आंबेडकर हायस्कूल व कनिष्ठ महाविद्यालयातील प्रा. प्रभाकर भालके यांची राज्य शासनाच्या क्रांतिज्योती सावित्रीबाई फुले आदर्श शिक्षक राज्य पुरस्कार’ च्या मुलाखतीकरिता निवड झाली आहे.
रत्नागिरी येथे लवकरच ही राज्यस्तरीय मुलाखत पार पडणार असून, त्यासाठीचे प्रस्ताव व आवश्यक कागदपत्रे मंडणगड पंचायत समितीच्या शिक्षण विभागामार्फत सादर केली जाणार आहेत. या निवडीबद्दल संस्थेचे उपाध्यक्ष विजय मोरे यांच्या हस्ते प्रा. भालके यांचा सत्कार करण्यात आला. त्यांचे मंडणगड तालुका विकास मंडळाचे अध्यक्ष व कामगार नेते आमदार भाईसाहेब जगताप, सरचिटणीस ॲड. विनोद दळवी, उपाध्यक्ष रमेश दळवी व विजय मोरे, शाळा समिती अध्यक्ष दादा जगताप, चिटणीस संतोष मांढरे, प्राचार्य प्रतिभा पाटील, उपप्राचार्य अर्जुन हुल्लोळी आणि पर्यवेक्षक शांताराम बैकर यांनी प्रा. भालके यांचे अभिनंदन केले.