भाजपतर्फे चिपळूणमध्ये उद्या मंगळागौर
चिपळूण ः भाजपतर्फे चिपळूण शहर व ग्रामीण महिलांच्यावतीने ‘परंपरेचा उत्सव... स्त्रीशक्तीचा जागर!’ या संकल्पनेतून मंगळागौर सादरीकरण आणि कष्टकरी महिला सन्मान सोहळ्याचे आयोजन बुधवारी (ता. २६) दुपारी १ वाजता इंदिरा गांधी सांस्कृतिक केंद्रात करण्यात आले आहे. मंगळागौरीच्या उत्साहातून महाराष्ट्राची समृद्ध संस्कृती जपणे आणि समाजात मोलाचे योगदान देणाऱ्या कष्टकरी महिलांचा गौरव करणे, हा या उपक्रमाचा मुख्य उद्देश आहे. या सोहळ्यात महिलांच्या पारंपरिक खेळांचे सादरीकरण होणार असून, सहभागी प्रत्येक गटाला सादरीकरणासाठी १० मिनिटांचा वेळ दिला जाईल. तसेच, प्रत्येक गटाला शासनाच्या एका योजनेचे सादरीकरण करणे बंधनकारक करण्यात आले आहे. चिपळूण शहर व ग्रामीण भागातील महिलांनी या सांस्कृतिक उत्सवात मोठ्या संख्येने उपस्थित राहावे, असे आवाहन चिपळूण ग्रामीण महिला मोर्चा अध्यक्ष आदिती गुडेकर आणि शहर महिला मोर्चा अध्यक्ष रसिका देवळेकर यांनी केले आहे.