२९३५४

‘मलाबार गोल्ड’ची हैदराबादमध्ये
अत्याधुनिक दागिने उत्पादन सुविधा
मुंबई, ता. ७ : जगभरात १३ देशांमध्ये ४०० हून अधिक विक्री दालनांसह जागतिक स्तरावरील पाचव्या क्रमांकाची सर्वांत मोठे दागिने विक्रेते असलेल्या, मलाबार गोल्ड अँड डायमंड्सने तेलंगणातील हैदराबाद येथे त्यांची अत्याधुनिक, पूर्णपणे एकात्मिक अशी या प्रकारातील सर्वांत मोठी दागिने उत्पादन सुविधा सुरू केली आहे.
रंगा रेड्डी जिल्ह्यातील महेश्वरम येथील जनरल पार्क येथे स्थित आणि ३.४५ लाख चौरस फूट क्षेत्रफळावर पसरलेले हे अशा प्रकारचे पहिले एकात्मिक उत्पादन केंद्र आहे. या केंद्रामुळे आभूषण रचना, सोने शुद्धीकरण, दागिने निर्मिती, गुणवत्ता हमी, हॉल मार्किंग, वेअर हाऊसिंग आणि पुरवठा साखळी व्यवस्थापन यासारखी सर्व महत्त्वाची कार्ये एकाच छताखाली आणली गेली आहेत. या केंद्राची वार्षिक उत्पादन क्षमता ४.७ टनांहून अधिक सोन्याचे दागिने आणि १.८ लाख कॅरेट हिऱ्यांचे दागिने निर्मितीची आहे. तसेच वार्षिक सोन्याची शुद्धीकरण क्षमता ७८ टन आहे. तेलंगणाचे मुख्यमंत्री रेवंत रेड्डी यांच्या हस्ते या केंद्राचे उद्‍घाटन झाले. मलाबार समूहाचे अध्यक्ष एम. पी. अहमद, उपाध्यक्ष अब्दुल सलाम, के. पी.; मलाबार गोल्ड अँड डायमंड्सच्या भारतातील कारभाराचे व्यवस्थापकीय संचालक आशर ओ., कार्यकारी संचालक निषाद ए. के. आदी यावेळी उपस्थित होते. मलाबार गोल्ड अँड डायमंड्सची सोने आणि हिऱ्यांच्या दागिन्यांची एकूण वार्षिक उत्पादन क्षमता अनुक्रमे ४०.६८ टन आणि ३.६१ लाख कॅरेटपेक्षा जास्त आहे, ज्यामुळे ती जगातील सर्वांत मोठ्या दागिन्यांच्या निर्मात्यांपैकी एक झाली आहे.