रत्नागिरी : "वडाच्या झाडाइतकं दीर्घायुष्य लाभो तुला, जन्मोजन्मी असाच तुझा सहवास लाभो मला" या पंक्तीनुसार कुवारबाव येथील डॉ. बाबासाहेब आंबेडकर सामाजिक(dr. babasaheb aamedkar) न्याय भवन येथे महिलांनी आज ता. २४ रोजी वडाचे पूजन करून आपल्या पतीला दीर्घायुष्य आणि निरोगी आयुष्य मागितले. कोविड आजार विसरून त्यांनी वटपौर्णिमा (vatpoornima) साजरी केली. (vatpoornima-celebrated-at-covid-care-center-kokan-marathi-news)

सामाजिक न्याय भवन येथील कोविड सेंटर मध्ये देखील आज वटपौर्णिमा साजरी केली गेली. झालेला आजार विसरून आपल्या पतीसाठी दीर्घायुरारोग्य लाभावे, यासाठी कोविड सेंटर मधील महिलांनी वडाची पूजा केली. या उपक्रमाला सहाय्य झाले ते गोगटे-जोगळेकर कॉलेजमधील सन २००० च्या बॅचचे माजी विद्यार्थी गणेश धुरी, समीर भोसले, प्रशांत सागवेकर, संदेश कांबळे, योगिनी सावंत, निता शिवगण आणि सहकारी विद्यार्थी, हेल्पिंग हँड आणि कोविड केअर सेंटर्समधील सर्व कर्मचाऱ्यांचे.

हेही वाचा- पिंपल्सपासून मिळवा आराम;फॉलो करा या टिप्स

विशेष सहाय्य जिल्हा शल्यचिकित्सक डॉ. सौ. संघमित्रा फुले-गावडे आणि कोविड सेंटरमधील सर्व आरोग्य यंत्रणेने मदत केली. सुवासिनींना हे व्रत व्यवस्थित करता यावे, यासाठी गणेश धुरी यांनी विशेष मेहनत घेतली. दुपारी आणि रात्री उपवासाचा फराळ देण्याची व्यवस्था त्यांनी केली आहे.