वैभववाडी : हयात मतदाराला मतदारयादीमध्ये मयत करण्याचा धक्कादायक प्रकार वाभवे वैभववाडी नगरपंचायतीच्या प्रभाग ८ मध्ये घडला आहे. (Political news) भिकाजी सहादु वाडीले असे त्यांचे नाव असुन मतदान केंद्र अधिकाऱ्यांनी वरिष्ठ अधिकाऱ्यांशी चर्चा केल्यानंतर त्यांना मतदानाचा हक्क बजाविण्यास परवानगी देण्यात आली. (nagar panchayat election 20

वाभवे वैभववाडी (vaibhavwadi) नगरपंचायतीची निवडणुक मतदान प्रकियेला आज सकाळी साडेसात वाजल्यापासुन सुरूवात झाली. १७ पैकी १३ प्रभागांची निवडणुक होत आहे. यातील प्रभाग क्रमांक आठ मधील मतदार भिकाजी सहादु वाडीले हे बारा वाजण्यच्या सुमारास मतदानाचा हक्क बजाविण्यासाठी अर्जुन रावराणे विद्यालयातील मतदान केंद्रावर (Voting Centers) केले. मतदान अधिकाऱ्यांना त्यांनी ओळखपत्र दाखवले. मतदान अधिकाऱ्यांनी मतदार यादीत त्यांचे नाव पाहिले असता ते चक्रावुन गेले.

वाडीले यांच्या नावावर चक्क मयत असल्याचा शिक्का मारण्यात आला होता. त्यामुळे मोठ पेच निर्माण झाला. वाडीले यांना बाहेर थांबविण्यात आले. मतदान अधिकाऱ्यांनी वरिष्ठांशी चर्चा केली. घडलेला सर्व प्रकार त्यांनी सांगितला. त्यानंतर वरिष्ठांनी वाडीले यांना मतदान करण्यास परवानगी द्यावी असे स्पष्ट केले. त्यानंतर त्यांना मतदानाचा हक्क बजावता आला. हयात असलेल्या मतदाराच्या नावावर मयताचा शिक्का मारल्यामुळे हा प्रकार घडला आहे.या प्रकाराची शहरात जोरदार चर्चा सुरू होती. मतदार यादी तयार केल्यानंतर यादीतील कोण मयत आहेत हे समजण्यासाठी निवडणुक विभागातील कर्मचाऱ्याने मयत नावावर शिक्का मारला होता. तो चुकुन वाडीले यांच्या नाव असलेल्या ठिकाणी पडल्यामुळे गोंधळ निर्माण झाला.

"प्रभाग क्रमांकमधील भिकाजी वाडीले यांच्या घरातील अन्य व्यक्ती मयत असुन तिचे नाव मतदार यादीत आहे. मतदान केंद्रावरील अधिकाऱ्यांना सोयीचे व्हावे याकरीता मयत असलेल्या नावावर शिक्कामोर्तब करण्यात आले आहे. कर्मचाऱ्यांच्या नजर चुकीमुळे वाडीले यांच्या नावावर शिक्का बसला. परंतु निर्माण झालेला गुंता तत्काळ दुर करण्यात आला. त्यांना मतदान करण्यास देण्यात आले आहे."

- सुरज कांबळे, सहाय्यक निवडणुक निर्णय अधिकारी, वाभवै वैभववाडी नगरपंचायत