चांगवॉन : भारताच्या ऐश्वर्य प्रताप सिंह तोमरने (Aishwary Pratap Singh Tomar) आयएसएसएफ शूटिंग वर्ल्ड कप स्पर्धेत (ISSF Shooting World Cup) आज (दि. 16) 50 मीटर थ्री पोजिशन रायफल प्रकारात सुवर्णपदक पटकावले. तोमरने हंगेरीच्या झलान पेकलारचा 16-12 असा पराभव केला. ऐश्वर्य प्रताप सिंहने पात्रता फेरीत देखील 593 गुण मिळवत अव्वल स्थान पटकावले होते.

दरम्यान, 50 मीटर थ्री पोजिशन रायफल (50m Rifle 3 Positions Event) प्रकारात हंगेरीचा अनुभवी खेळाडू इस्तेवान याला कांस्य पदक मिळाले. रँकिंग राऊंडमध्ये तोमरने पहिल्या दोन नेलिंग आणि प्रॉन पोजिशन मध्ये अचूक वेध घेत अव्वल गुण मिळवले. मात्र शेवटच्या स्टँडिंग पोजिशनमध्ये त्याने सर्व 7 गुण गमावले. या प्रकारात सहभागी झालेला भारताचा दुसरा शूटर चौनसिंह सातव्या स्थानावर राहिला.

ऐश्वर्य प्रताप सिंह तोमरने भारतासाठी सुवर्णपदक जिंकल्यानंतर स्पोर्ट्स अथॉरिटी ऑफ इंडिया (SAI) ने ट्विट केले.

साईने 'भारताने सुवर्णपदक जिंकले. टोकियो ऑलिम्पिकमध्ये खेळलेल्या ऐश्वर्य प्रताप सिंह तोमरने आयएसएसएफ शूटिंग वर्ल्ड कप 2022 चांगवॉन स्पर्धेत सुवर्ण पदक जिंकले.