Asian Games 2023 : भारताने घोडेस्वारीत अजून एक पदकाची कमाई केली आहे. इक्वेस्टेरियन ड्रेसेज वैयक्तिक प्रकारात भारताच्या अनुश अगरवाल्लाने कांस्य पदक जिंकले आहे. विशेष म्हणजे एशियन गेम्समधील इक्वेस्टेरियन ड्रेसेज वैयक्तिक प्रकारातील भारताचे हे पहिलेच पदक आहे.
अनुश अगरवाल्ला हा कायम ए. आर. रेहमानच्या जय हो गाण्यावर आपले कौशल्य दाखवत असतो. त्याने भारतासाठी इक्वेस्टेरियन ड्रेसजमध्ये दुसरे पदक जिंकले. यापूर्वी भारताने सांघिक प्रकारात सुवर्ण पदक जिंकले होते.
भारताने एशियन गेम्समध्ये आज आतापर्यंत तीन पदके जिंकली आहेत. शुटिंगमध्ये सरबजोत सिंग, अर्जुन सिंह चीमा आणि शिवा नरवाल यांनी भारताला सहावे सुवर्ण पदक जिंकून दिले होते. त्यांनी 10 मीटर एअर पिस्टल सांघिक प्रकारात अव्वल स्थान पटकावले. यापूर्वी वुशूमध्ये रोशिबिना देवीने महिला 60 किलो वजनी गटात रौप्य पदकाची कमाई केली होती.
भारताने आतापर्यंत एशियन गेम्समध्ये 25 पदकांची कामाई केली असून त्यात 6 सुवर्ण, 8 रौप्य आणि 11 कांस्य पदकांचा समावेश आहे. भारताने शुटिंगमध्ये सर्वाधिक 4 सुवर्ण 4 रौप्य आणि 5 कांस्य अशी एकूण 13 पदके जिंकली. त्यानंतर क्रिकेटमध्ये भारतीय महिला संघाने 1 सुवर्ण पदक जिंकले आहे.
इक्वेस्टेरियनमध्ये भारताने एक सुवर्ण आणि एक कांस्य पदक अशी दोन पदके जिंकली आहेत. रोईंगमध्ये भारताने 2 रौप्य आणि 3 कांस्य पदक अशी 5 जिंकली. तर सेलिंगमध्ये एक रौप्य आणि 2 कांस्य पदके जिंकली आहेत. भारताने वुशूमध्ये एक रौप्य पदक जिंकले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.