ब्रिसबेन : अॅशेस मालिकेत (Ashes Test Series) पहिली कसोटीत पहिल्या चेंडूपासूनच रोमांच निर्माण झाला आहे. प्रत्येक दिवशी प्रेक्षकांसाठी उत्तम क्रिकेटची मेजवानी मिळत आहे. या सर्व रोमांचकारक घडामोडीत एका पठ्याने एक रोमँटिक गोष्ट करत सर्वांचेच लक्ष वेधले. (Ashes Test Series Gabba Test Australian fan Proposed his girlfriend on day 3)

गाबा कसोटीच्या (Gabba Test) तिसऱ्या दिवशी ऑस्ट्रेलिया (Australia) पहिल्या डावात ४०० टप्पा पार करण्याच्या तयारीत होता.ट्रॅव्हिस हेडच्या (Travis Head) आक्रमक शतकाच्या जोरावर ऑस्ट्रेलियाने इंग्लंड विरुद्ध पहिल्या डावात मजबूत आघाडीही घेतली होती. तोपर्यंत एका ऑस्ट्रेलियाच्या चाहत्याने पॅव्हेलियनमध्ये आपल्या गर्लफ्रेंडला लग्नाची मागणी घातली. त्यामुळे सगळे कॅमेरे या पठ्याकडे वळले. ऑस्ट्रेलियाच्या या चाहत्याने गुडघ्यावर बसत आपल्या गर्लफ्रेंडला लग्नाची मागणी घातली. अचानक बॉयफ्रेंडकडून लग्नाची मागणी घातली गेल्याने ती गर्लफ्रेंड गोंधळली. मात्र त्यानंतर तिने लगेचच त्याला होकार दिला.

या होकारानंतर त्या ऑस्ट्रेलियन चाहत्याने आपल्या गर्लफ्रेंडला मिठीत घेतली आणि तिचे चुंबन घेतले. त्या ऑस्ट्रेलियन चाहत्याने वेळ न दवडा लगेचच अंगठी आपल्या गर्लफ्रेंडच्या बोटात सरकवली आणि आपले नाते अधिकृत केले.

विशेष म्हणजे अॅशेस मालिकेत (Ashes Test Series) गाबा कसोटीत (Gabba Test) पहिल्यांदाच लग्नाची मागणी घातली गेलेली नाही. यापूर्वी २०१७ मध्येही एका चाहत्याने आपल्या गर्लफ्रेंडला लग्नासाठी मागणी घातली होती. त्यावेळी मायकेल नावाच्या चाहत्याने आपला गुडघा टेकवत टोरीला लग्नाची मागणी घातली. त्यावेळी आजूबाजूच्या सर्व चाहत्यांनी टोरीने मायकेलला होकार दिल्यानंतर जोरदार जल्लोष केला होता.