Asia Cup 2023 Gautam Gambhir : अनेक वादांनंतर अखेर एशिया कप 2023 येत्या 30 ऑगस्टपासून सुरू होत आहे. क्रिकेट चाहते या स्पर्धेची चातकासारखी वाट पाहत आहेत. कारण याच स्पर्धेत भारत - पाकिस्तान यांचा हाय व्होल्टेज सामना होणार आहे. यंदा आशिया कप हा हायब्रीड पद्धतीने आयोजित केले जाणार आहे. आशिया कपचे 4 सामने हे पाकिस्तानमध्ये तर उर्वरित सामने हे श्रीलंकेत होणार आहेत. (Commentary Panel)

या स्पर्धेसाठी एका पाठोपाठ एक देश आपला संघ जाहीर करत आहेत. त्याचबरोबर आशिया कपसाठी कोण कोण समालोचन करणार याची देखील यादी जाहीर झाली आहे. या यादीत भारताचे आणि पाकिस्तानचे काही दिग्गज माजी खेळाडू देखील आहेत. त्यामुळे मैदानाबरोबरच कॉमेंट्री बॉक्समधील वातावर देखील तापणार हे नक्की.

आशिया कप 2023 साठी भारताचा माजी सलामीवीर गौतम गंभीर सोबतच रवी शास्त्री, संजय मांजरेकर, इरफान पठाण आणि दीप दास गुप्ता देखील समालोचन करणार आहेत. तर पाकिस्तानकडून वसीम अक्रम, वकार युनिस, रमीझ राजा आणि बाजीद खान यांचा समालोचकांच्या यादीत समावेश आहे.

बांगलादेशचे अथर अली आणि श्रीलंकेचे रसेल अर्नोल्ड देखील समालोचन करताना दिसतील. न्यूझीलंडचा माजी अष्टपैलू खेळाडू स्कॉट स्टायरिस याचं देखील समालोचकांच्या यादीत नाव आहे. हे सर्व दिग्गज लाईव्ह सामन्यात आपल्या एक्सपर्ट कमेंटने चार चांद लावणार आहेत.

एशिया कप 2023 वेळापत्रक

30 ऑगस्ट - पाकिस्तान vs नेपाल, मुल्तान, पाकिस्तान

31 ऑगस्ट - बांग्लादेश vs श्रीलंका, कँडी, श्रीलंका

2 सप्टेंबर - पाकिस्तान vs भारत, कँडी, श्रीलंका

3 सप्टेंबर बांग्लादेश vs अफगानिस्तान, लाहोर, पाकिस्तान

4 सप्टेंबर, भारत vs नेपाल, कँडी, श्रीलंका

5 सप्टेंबर, अफगानिस्तान vs श्रीलंका, लाहोर,पाकिस्तान

सुपर 4 शेड्यूल

6 सप्टेंबर, A1 vs B2, लाहोर, पाकिस्तान

9 सप्टेंबर, B1 vs B2, कोलंबो श्रीलंका

10 सप्टेंबर, A1 vs A2, कोलंबो श्रीलंका

12 सितंबर, A2 vs B1 कोलंबो श्रीलंका

14 सप्टेंबर, A1 vs B1, कोलंबो श्रीलंका

15 सप्टेंबर, A2 vs B2, कोलंबो श्रीलंका

17 सप्टेंबर, फायलन, कोलंबो श्रीलंका

(Sports Latest News)