Gautam Gambhir Video : आशिया कप 2023 मध्ये भारत आणि नेपाळचा संघ पल्लेकेलेच्या मैदानावर आमनेसामने आले आहे. टीम इंडियाचा माजी सलामीवीर गौतम गंभीर देखील स्टार स्पोर्टकडून कॉमेंट्री करत आहे. सामन्यादरम्यान एक विचित्र घटना पाहिला मिळाली. जेव्हा गंभीर मैदानातून कॉमेंट्री रूमकडे जात होता, त्यावेळी त्याला पाहताच प्रेक्षकांनी कोहली-कोहलीचा जयघोष सुरू केला.

सुरुवातीला गंभीर बघतच राहिला पण नंतर प्रेक्षकांकडे बोट दाखवत (अनैतिक हावभाव) पुढे गेला. या घटनेचे व्हिडिओ सोशल मीडियावर व्हायरल होत आहेत ज्यात क्रिकेट चाहते गंभीरच्या कृत्याचा निषेध करताना दिसत आहेत.

आयपीएल 2023 मध्ये या दोघांमध्ये भांडण झाले होते जे खूपच वाढले होते. गंभीर हा आयपीएलमध्ये लखनौ सुपर जायंट्सचा मार्गदर्शक होता, तर विराट कोहली रॉयल चॅलेंजर्स बंगळुरूकडून खेळत होता. या सामन्यात लखनौच्या फलंदाजीदरम्यान नवीन उल हक आणि कोहली यांच्यात बाचाबाची झाली. सामना संपल्यानंतर जरा जास्त झाली त्यावेळी भांडणात गंभीरने पुन्हा हस्तक्षेप केला आणि दोघांमध्ये जोरदार वाद झाला.

याआधी 2013 मध्ये जेव्हा कोहली बंगळुरूचा कर्णधार होता आणि गंभीर कोलकाता नाईट रायडर्सचा कर्णधार होता. तेव्हा खेळल्या गेलेल्या सामन्यात या दोघांमध्ये भांडण झाली होती.

पण आता सोशल मीडियावर दोघांचे चाहते एकमेकांना ट्रोल करत आहेत. गंभीर हा असा व्यक्ती आहे जो कोहलीबद्दल सतत काही ना काही बोलत असतो. कोहली आशिया कप-2023 च्या पाकिस्तानविरुद्धच्या सामन्यात अपयशी ठरला होता. त्याला केवळ चार धावा करता आल्या होत्या. यानंतर गंभीरने स्टार स्पोर्ट्सवर बोलताना कोहलीवर टीका केली आणि त्याच्या शॉट्सच्या निवडीवर प्रश्न उपस्थित केले.