जकार्ता : रिदम सांगवान हिने महिलांच्या २५ मीटर पिस्तूल या प्रकारात ब्राँझपदक पटकावत भारतासाठी ऐतिहासिक व विक्रमी कामगिरी केली. आशियाई ऑलिंपिक पात्रता फेरीत तिने पटकावलेल्या पदकाने भारतासाठी मोलाची कामगिरी बजावली.
रिदम हिने पॅरिस ऑलिंपिकची पात्रताही मिळवली. ऑलिंपिकसाठी भारताने १६ जणांचा कोटा मिळवला आहे. याआधी टोकियो ऑलिंपिकमध्ये भारताचे १५ नेमबाज पात्र ठरले होते. या विक्रमाला भारतीय नेमबाजांनी मागे टाकले आहे.
रिदम सांगवान हिने आशियाई ऑलिंपिक पात्रता फेरीत तिसरे पदक पटकावले आहे. याआधी तिने १० मीटर एअर पिस्तुल प्रकारात ब्राँझपदक पटकावले होते. त्यानंतर १० मीटर एअर पिस्तुल सांघिक प्रकारात तिने अर्जुन सिंग चीमाच्या साथीने रौप्यपदकाची कमाई केली. आणि आता २५ मीटर पिस्तुल प्रकारात ब्राँझपदक पटकावत भारतासाठी देदीप्यमान कामगिरी केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.