India vs Bangladesh 2nd Test Marathi Updates : कर्णधार रोहित शर्माने नाणेफेक जिंकून प्रथम गोलंदाजीचा धाडसी निर्णय घेतला. भरताने घरच्या मैदानावरील मागील ९ वर्षांत प्रथमच नाणेफेक जिंकून प्रथम गोलंदाजीचा निर्णय घेतला आहे, तर १९६४ नंतर कानपूर येथे असा निर्णय घेणारा रोहित पहिलाच भारतीय कर्णधार ठरला. १९६४ मध्ये पतौडी ज्युनियर यांनी इंग्लंडविरुद्ध असा निर्णय घेतला होता आणि तो सामना ड्रॉ राहिला होता.
भारताच्या संघात आज बदल पाहायला मिळेल अशी अपेक्षा होती, परंतु त्याच प्लेइंग इलेव्हनसह टीम उतरली. कुलदीप यादवला पुन्हा एकदा बाकावर बसवून ठेवले गेले. रोहितने असा निर्णय का घेतला, हा प्रश्न सर्वांचा पडला होता.
आज आठव्या षटकात रोहितला फिरकीपटू आर अश्विनला बोलवावे लागले. कानपूरची कसोटी फलंदाजांसाठी पोषक होती आणि भारताने टॉसही जिंकला होता. पण, ढगाळ वातावरण पाहून रोहितने तीन जलदगती गोलंदाजांसह मैदानावर उतरण्याचा निर्णय घेतला.
पावसामुळे खेळपट्टीवर दव असल्याने भारताने तीन जलदगती गोलंदाजांसह मैदानावर उतरण्याचा निर्णय घेतला. त्यामुळे कुलदीप यादवला प्लेइंग इलेव्हनमध्ये संधी मिळाली नाही. तेच दुसरीकडे बांगलादेश तीन फिरकीपटूंसह मैदानावर उतरला.
भारताचा संघ: रोहित शर्मा (कर्णधार), यशस्वी जैस्वाल, शुभमन गिल, विराट कोहली, लोकेश राहुल, ऋषभ पंत, आर अश्विन, रवींद्र जडेजा, मोहम्मद सिराज, आकाश दीप, जसप्रीत बुमराह
आकाश दीपने बांगलादेशच्या दोन्ही सलामीवीरांना माघारी पाठवून भारताला सामन्यावर मजबूत पकड मिळवून दिली आहे. १५ षटकांत बांगलादेशने ४६ धावांत २ विकेट्स गमावल्या आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.