Pat Cummins Wife Valentine Day : क्रिकेटपटू असो वा कोणत्याही खेळातील स्टार खेळाडू असोत. त्यांना सोशल मीडियावर ट्रॉलिंगचा सामना हा करावाच लागतो. WTC चॅम्पियनशिप अन् वनडे वर्ल्डकप जिंकून देणारा ऑस्ट्रेलियाचा कर्णधार पॅट कमिन्सलबाबत देखील असाच एक किस्सा झालाय. मात्र पॅट कमिन्स हे प्रकरण अत्यंत हुशारीने हातळाले. एका चाहत्याने भारतीय असल्याचे सांगत कमिन्सच्या पोस्टवर कमेंट केली. त्याने कमिन्सला थेट त्याच्या पत्नीवर प्रेम करत असल्याचे सांगितले. त्यावर कमिन्सने दिलेली प्रतिक्रिया देखील भन्नाट होती.

पॅट कमिन्सने पत्नी बेकीसोबत एक सुंदर फोटो शेअर केला. त्याने व्हॅलेंटाईन डे साजरा करण्यासाठी ही इन्स्टाग्राम पोस्ट केली होती. या फोटोत हे स्टार कपल एका सुमद्र किनाऱ्यावर निवांत क्षण एन्जॉय करताना दिसत आहे. या पोस्टला कमिन्सने 'सुपर मॉम, पत्नी आणि माझी व्हॅलेंटाईन आणि नक्कीच एक प्रो सर्फर देखील, हॅप्पी व्हॅलेंटाईन बेकी किमिन्स' असे कॅप्शन दिले होते.

कमिन्सची ही पोस्ट काही काळातच तुफान व्हायरल झाली. त्याच्या पोस्टखाली कमेंट बॉक्समध्ये कमेंट्सचा पाऊस पडला. यात एका चाहत्याची देखील कमेंट होती. हा चाहता स्वतःला भारतीय म्हणत होता आणि तो कमिन्सला म्हणत होता की मी तुझ्या पत्नीवर प्रेम करतोय. यावर कमिन्सने त्याला एक भन्नाट उत्तर दिलं. तो म्हणाला की मी तुझा मेसेज तिच्यापर्यंत पोहचवतो.

कमिन्ससाठी 2023 वर्ष हे स्वप्नवत गेलं आहे. त्याच्या नेतृत्वाखाली वर्ल्ड टेस्ट चॅम्पियनशिप आणि वनडे वर्ल्डकप जिंकला आहे. या दोन्ही स्पर्धांमध्ये ऑस्ट्रेलियाने अंतिम सामन्यात भारतीय संघाचा पराभव केला.

कमिन्सला यंदाचा आयसीसी पुरूष क्रिकेटर ऑफ द इयरचा पुरस्कार देखील देण्यात आला आहे. त्याचबरोबर त्याच्यावर भारतीय प्रीमियर लीग 2024 च्या लिलावात विक्रमी बोली लागली. त्याला 20.5 कोटी रूपये मिळाले आहेत. सनराईजर्स हैदराबादने त्याच्यावर ही मोठी बोली लावली.

(Sports Latest News)