नवी दिल्ली- भारतीय क्रिकेट टीमचा माजी कर्णधार महेंद्रसिंह धोनी याचा एक व्हिडिओ सध्या व्हायरल होत आहे. यावरुन सोशल मीडियावर चर्चेला तोंड फुटले आहे. या व्हिडिओमध्ये महेंद्रसिंग धोनी हा हुक्का पिताना दिसत आहे. या व्हिडिओमुळे सोशल मीडियावर खळबळ उडाली आहे. (CSK Captain MS Dhoni Video Of Him Smoking hookah At An Event Goes Viral )

एमएस धोनी याचे फॅन्स आणि त्याचे विरोधक या दोघांनी सोशल मीडियावर प्रतिक्रियांचा पाऊस पाडायला सुरुवात केलीय. धोनीला अनेक लोक एक आदर्श व्यक्ती म्हणून पाहत असतात. त्याच्या या व्हिडिओचा संदर्भ घेऊन काहीजण त्याच्यावर टीका करायला लागले आहेत. तरी काहीजण त्याचा बचाव करत असल्याचं दिसत आहेत.

माही काही दिवसांपासून दुबईत असून तो आपल्या सुट्ट्या उपभोगत आहे. धोनीचा हुक्का पितानाचा व्हिडिओ पाहुन अनेकांना आश्चर्यचा धक्का बसला आहे. व्हिडिओमध्ये धोनी लांब केस आणि फॉर्मल सूट पेहराव केल्याचं दिसत आहे. त्याच्यासोबत लोकांचा ग्रुप देखील आहे. धोनीच्या तोंडून धूर येत असल्याचं दिसत आहे.

धोनीचा व्हिडिओ शेअर करत नेटकऱ्यांनी उलट-सुलट प्रतिक्रिया दिल्या आहेत--

माजी ऑस्ट्रेलिया कर्णधार जॉर्ज बेले याने याआधी धोनीबाबत खुलासा केला होता. धोनीला हुक्का ओढायला आवडतो. तो अनेकदा यासाठी आपल्या खोलीमध्ये तयारी करतो. यावेळी तो इतर खेळाडूंना देखील निमंत्रित करतो. यावेळी वेगवेगळ्या विषयांवर हलक्या फुलक्या चर्चा होत असतात, असं तो एका मुलाखतीत म्हणाला होता. (Latest Marathi News)