India vs Australia : भारताने टी-20 मालिकेतील शेवटच्या सामन्यात ऑस्ट्रेलियाचा सहा विकेट्स राखून पराभव करत मालिका 2-1 अशी जिंकली. जेव्हा जेव्हा टीम इंडियाने एखादी ट्रॉफी जिंकली तेव्हा ती ट्रॉफी संघातील सर्वात युवा खेळाडूकडे दिली जाते. यानंतर टीम इंडिया ट्रॉफीसोबत त्यांचे फोटो सेशन करत असे.

टीम इंडियाने हैदराबादमध्ये ऑस्ट्रेलियाला हरवून टी-20 मालिका जिंकली. कर्णधार रोहित शर्माने ट्रॉफी घेतली आणि संघातील ज्येष्ठ खेळाडू दिनेश कार्तिककडे दिली. यावेळीस युवा खेळाडू ऋषभ पंत एका कोपऱ्यात उभा दिसला.

ऑस्ट्रेलियाने या सामन्यात प्रथम फलंदाजी करताना सात विकेट गमावत 186 धावा केल्या. प्रत्युत्तरात भारताने एक चेंडू बाकी असताना चार गडी गमावत 187 धावा करून सामना जिंकला. मायदेशात नऊ वर्षांनंतर भारताने ऑस्ट्रेलियाला टी-20 मालिकेत पराभूत केले आहे. विराट कोहली आणि सूर्यकुमार यादव यांनी आपल्या फलंदाजीने खूप प्रभावित केले. या दोघांशिवाय अक्षर पटेलने गोलंदाजीत कमाल केली.

नागपुरात खेळल्या गेलेल्या दुसऱ्या टी-20 सामन्यात टीम इंडियाने ऑस्ट्रेलियाचा 6 गडी राखून पराभव केला. त्या सामन्यात फिनिशिंग टच देत दिनेश कार्तिकने सॅम्सच्या शेवटच्या ओव्हरच्या पहिल्या स्लो बॉलवर बॅकवर्ड स्क्वेअर लेगच्या दिशेने षटकार ठोकला. पुढच्याच चेंडूवर डीप मिड-च्या दिशेने चौकार मारला. कार्तिकने अवघ्या 2 चेंडूत 10 धावा करत दुसरा टी-20 सामना संघाला विजय मिळवून दिला.