Rishabh Pant Yuvraj Singh Tweet : कसोटी क्रिकेटमध्ये नाव कमावल्यानंतर ऋषभ पंतने इंग्लंडविरुद्धच्या तिसऱ्या एकदिवसीय सामन्यात कारकिर्दीतील पहिले शतक केले. पहिलं शतक हे कोणत्याही फलंदाजासाठी खास असतं. पण पंतची ही खेळी केवळ त्याच्यासाठीच नाही तर टीम इंडियासाठीही खास होती. पंतच्या नाबाद 125 धावांच्या जोरावर भारताने तिसरी वनडे 5 विकेटने जिंकली आणि इंग्लंडविरुद्धची वनडे मालिका 2-1 अशी जिंकली.

टीम इंडियाच्या मँचेस्टरमधील या विजयानंतर भारताचा माजी अष्टपैलू खेळाडू युवराज सिंगचे एक ट्विट सोशल मीडियावर चांगलेच व्हायरल झाले होते. पंतच्या संस्मरणीय खेळीनंतर युवराज सिंगने ट्विट करत लिहिले की, 45 मिनिट बोलण्याचा फायदा झालेला दिसतोय! पंत चांगला खेळलास जे व्हायरल झाले होते. याचा अखेर ऋषभ पंतने उत्तर दिले आहे. ऋषभ पंत उत्तर देत म्हणाला..., मी केल, खंरच युवी पा.

260 धावांच्या लक्ष्याचा पाठलाग करताना भारताने 72 धावांत चार विकेट गमावल्या होत्या, यानंतर पंड्या आणि पंत यांनी मिळून इंग्लिश गोलंदाजांची चांगलीच दमछाक केली. पांड्याने 55 चेंडूत 71 धावा करून बाद झाला, तर पंत 113 चेंडूत 125 धावा करून नाबाद परतला. त्यानंतर भारतीय यष्टीरक्षकाने अधिक आक्रमक फॉर्म दाखवला. डेव्हिड विलीच्या एका षटकात 5 चौकार मारले, तर त्याने रूटच्या पहिल्या चेंडूवर रिव्हर्स स्वीप करून सामना आपल्या शैलीत संपवला.