वेलिंग्टन : पहिल्या कसोटी सामन्याला फक्त दोन दिवस राहिले असताना भारत आणि न्यूझीलंड दोन्ही संघ वेलिंग्टनला येऊन पोहोचले आहेत. वेलिंग्टन शहरात अधून मधून पावसाच्या सरी हजेरी लाव राहिल्याने भारतीय संघाने नियोजित केलेले सराव सत्र रद्द करावे लागले. खराब हवामानामुळे न्यूझीलंड संघातील काही खेळाडू वेलिंग्टनला वेळेवर पोहचू शकले नाहीत. ज्यात नील वॅग्नरचा समावेश होता जो आपल्या पहिल्या अपत्याच्या प्रतिक्षेत पत्नीसोबत थांबला आहे. 

तिकडे सचिनचा बर्लिनमध्ये अवॉर्ड शो अन् इकडे दादाचा जळफळाट!

पहिल्या कसोटीसाठी न्यूझीलंडच्या संघ जाहीर केला गेला ज्यात दर्जेदार अष्टपैलू खेळाडूंचा समावेश करण्यात आला आहे. एकदिवसीय मालिकेत लक्षणीय पदार्पण करणार्‍या कायल जेमीसनला संघात जागा दिली गेली आहे तसेच एजाज पटेल या एकमेव डावखुर्‍या फिरकी गोलंदाजाला प्राधान्य दिले गेले आहे.

कोहली खरंच किंग आहे, मैदानावर फेल तरी इन्स्टाग्रामवर सुसाट!

न्यूझीलंड संघात कॉलिन डी ग्रंडहोम आणि कायल जेमीसन इतकेच जातिवंत अष्टपैलू खेळाडू आहेत असे वाटत असले तर मोठी चूक आहे कारण विकेट किपर बी जे वॉटलींग दर्जेदार फलंदाजही आहे. गेली काही वर्ष न्यूझीलंड संघ अडचणीत असताना वॉटलींगने सुंदर फलंदाजी करून मार्ग काढून दिला आहे. पस्तिशी पूर्ण करण्याच्या जवळ असलेल्या वॉटलींगची कसोटी क्रिकेटमधील सरासरी 39 धावांच्या पुढची आहे आणि त्याने आठ शतके ठोकली आहेत याचा विसर पडता कामा नये.

अरेsss देवा! विराट टी20 क्रमवारीत किती खाली गेलाय बघा

न्यूझीलंड संघ व्यवस्थापनाने अत्यंत विचारपूर्वक ट्रेंट बोल्ट, नील वॅग्नर, एजाज पटेल आणि वॉटलींगला कसोटी सामन्यांपर्यत राखून ठेवले आहे. एकदिवसीय मालिकेत कायल जेमीसन, हेन्री निकल्स आणि टॉम लॅथमला चांगल्या खेळाची लय गवसली ही सकारात्मक बाब यजमान संघ मानत आहे. या सर्व बाबींचा विचार केला तर भारतीय संघासमोर दोन कसोटी सामन्यात यजमान संघ कडवे आव्हान उभे करणार यात कोणालाच शंका असायचे कारण नाही.

विंडीजच्या 'या' लोकप्रिय गोलंदाजाच्या कारला भयानक अपघात

19 आणि 20 तारखेला पाऊस पडणार नसल्याचा अंदाज वर्तवला गेला असल्याने भारतीय संघ सराव करायला उत्सुक आहे. बेसीन रिझर्व्ह मैदानावरच्या वार्‍याचा अंदाज घेणे सरावाशिवाय शक्य नसल्याने 19 फेब्रुवारीला भारतीय संघ जोरदार सराव करणार असल्याचे संघ व्यवस्थापनाकडून समजले.