India Women vs Australia Women Final : राष्ट्रकुल स्पर्धेत भारताला प्रथमच क्रिकेटमध्ये पदक मिळाले. मात्र सुवर्णपदक मिळाले असते तर अधिक आनंद झाला असता. त्याआधी 1998 मध्ये क्रिकेट हा कॉमनवेल्थ गेम्सचा भाग होता. त्यानंतर भारतीय पुरुष संघाला एकही पदक जिंकता आले नाही. एकदिवसीय विश्वचषक आणि टी-20 विश्वचषकापाठोपाठ कॉमनवेल्थ गेम्समध्येही ऑस्ट्रेलियाने सुवर्णपदक जिंकले.

कॉमनवेल्थ गेम्सच्या क्रिकेट फायनलमध्ये ऑस्ट्रेलियाने भारताचा 9 धावांनी पराभव केला. या विजयासह ऑस्ट्रेलियाने सुवर्णपदक पटकावले आहे. बर्मिंगहॅमच्या एजबॅस्टन मैदानावर खेळल्या गेलेल्या अंतिम सामन्यात ऑस्ट्रेलियाने नाणेफेक जिंकून प्रथम फलंदाजी करत भारतासमोर 162 धावांचे लक्ष्य ठेवले होते. प्रत्युत्तरात भारत सर्व गडी गमावून 152 धावा करता आल्या. पराभवानंतरही भारतीय महिला क्रिकेट संघाने रौप्यपदक जिंकून इतिहास रचला आहे.

ऑस्ट्रेलियाने दिलेल्या लक्ष्याचा पाठलाग करताना भारताची सुरुवात खराब झाली. तीन षटकांतच संघाने दोन्ही सलामीवीरांच्या विकेट्स गमावल्या, त्यानंतर जेमिमा आणि हरमनप्रीत यांनी तिसऱ्या विकेटसाठी 71 चेंडूत 96 धावांची भागीदारी केली. एका क्षणी भारतीय संघ विजयाच्या मार्गावर होता, पण जेमिमा 33 धावांवर बाद झाली. त्यादरम्यान कर्णधार हरमनप्रीत कौर 65 धावांवर खराब शॉट खेळत बाद झाली. अखेरच्या षटकात भारताला विजयासाठी 11 धावा करायच्या होत्या, पण संघ सर्वबाद झाला.

ऑस्ट्रेलियाने प्रथम फलंदाजी करताना 8 गड्यांच्या मोबदल्यात 161 धावा केल्या. संघाकडून बेथ मुनीने 61 धावा केल्या. ऑस्ट्रेलियाची सुरुवात खराब झाली. 9 च्या स्कोअरवर टीमने हिलीच्या रूपात पहिली विकेट गमावली. यानंतर मूनी आणि लेनिंग यांच्यात दुसऱ्या विकेटसाठी अर्धशतकी भागीदारी झाली. मात्र, ऑस्ट्रेलियन कर्णधार 36 धावांवर धावबाद झाला. ताहलिया मॅकग्रानेही पुढच्याच षटकात तिची विकेट गमावली. अष्टपैलू अॅश गार्डनरने 15 चेंडूत 25 धावा केल्या आणि त्यानंतर गोलंदाजीत तीन विकेट घेतल्या. भारताकडून स्नेह राणा आणि रेणुका सिंगने प्रत्येकी २ बळी घेतले. दीप्ती आणि राधाने 1-1 विकेट घेतली.